Nuusita Ashipala
Elim – Konyima tupu zokukuna nombuto momukunda gwaOmusati, vanandima ngesi vana kara vapimbirwa morwa kuna kuyimona asi namuvho kuvhura hena vakare nouli wonombuto. Morwa yimbumburu nye eyi yina tuhomokere, vanandima vamwe muzangu gwawo kuna kuzonagura unene eyi yina kuninkisa vapurure hena nokukuna hena mo hena. Ava nye vana kara asi nombuto dawo kuna kusika monongoro, hawe owo kuvhura vahuguvare asi nombuto dawo tadikuru tupu nawa. Vana farama kuna hafa morwa mvhura ezi vana gwanako dogoro papa morwa mvhura ezi zina puko kavakere moudigu worukukutu.
Eguru simpe kuna kulikida asi nayiwapa tupu, ose kuna kara tupu negano asi twahepa kupurura hena nokukuna mo hena ano nsene kapi ngaziroka hawe ose tatu kara nye noyo tuna weke, yimo ana kutanta Petrus Junias ogu gatunga moOmulondo gwaMbulu mosintokorwa saElim. Junias muzangu gwendi kwakuzonagura unene, yina kara asi wayi welike yasigamo mepapya lyendi. Age katente asi uli ou kapi auli yininke peke ntudi nombuto delike. Kuna zonagura nombuto dononzi nampili dedi dina kara asi dina kuru ayo kulyako yihako makura kuyisiga yitji yelike.
Junias katente asi mokukondera yimbumburu eyi vantu vemembo lyendi kavasimine makere ngano vakondere nye uhumi ou, nokuyikwata nye kapi yina kuvatera nawa nawa. Yiyo muna kumona asi yisesu ngesi yina karapo, yimo ana kutanta Junias. Mukadendi Soina Simon kagwedereko asi mokusimanye maker oose simpe katuziremo tuyipongayike nomawoko getu. Erago nye lyenene mafuma nago yipo kuwiza yiyo nye kagatamekere kuyla yimbumburu eyi. Yimo ana kutanta Simon. Foromani gomukunda Iihanguti Festus Gabriel katente asi yimbumburu eyi kayihomokerere mapya gomanzi momukunda gwendi. Ame kanilituliremo asi ngano niyivarure, nye ngesi kuna kumoneka asi kuna kutengura oku kayitundire yimo ana kutanta Gabriel.
Foromani simpe kahundilire vatungimo vendi asi yahavagusa mukumo simpe vahepa kuza ngorooro komeho mokurugana momapya gawo yipo asi tugusepo ruhepo oru tuna kara naro ngesi ntani walye natugwedako nose konondja edi tuna kugwana dorukukutu, yimo nye ana kuhageka ngoso Gabriel.