Ovanafikola vatano ova yandja omaano oshimaliwa sheN$7000 kofikola Ruacana High School opo va fikola momudo 1991.

Ovanafikola ove li unganeka okuongela oshimaliwa nokulongekida efiku va ka talele po ofikola yavo oshivike dja ko.

Ova lombwela Kundana tava ti ove udite etumba nolupandu okufikola pofikola opo molwashi okwa li ohava longwa noudjungu nokupewa ounongo.

Onghee ova pandula ovahongifikola vavo molwashi paife ova ninga ovanashilonga va yooloka molwoehongo olo kwa li va pewa.

Ova hokolola tava ti okwa li hava piti nawa, onghee ova ti ngeno ovahongifikola vawo ka kwa li hava longo noudidini ngeno ina ve shipondola okupita omakonakono avo.

Sestenus Shimanya oye umwe e li omukwateli komesho wosheendo shokutalelapo ofikola yavo, okwa hokolola ta ti ovo kwa li ovahongwa votete okutota po ofikola Ruacana High School.

“Elalakano okuyadja omaano kofikola yetu. Oshimaliwa twa yandja otashi ka kwafela okulanda oikwafifo ya pumbiwa pofikola,” Shimanya ta ti.

Okwa ti natango otava twikile okuyandja omaano pofikola opo nelalakano okuulika oshihopaenenwa kovanafikola va fikola poRuacana High School opo navo va dule okuyandja omaano kofikola.

-fhamalwa@nepc.com.na