OUTAPI - Ovanailonga vaheyali vomosekundofikola yaDavid Sheehama moshitukulwa shaMusati ova yandja omaliudo avo onai konima eshi vati ve liyamba opo va ka vatele okutelekela nokuyambidida edimbulukofiku lemanguluko laNamibia ndele inava futwa kepangelo ngaashi va udanekelwa.
Okudililila komupopiliko wokangudu kavaheyali Oscar Shiweva, okwa popya kutya momafiku 17 fiyo 22 Maalisa 2023 ombelewa yomukulunhufikola wavo oya shangelwa ombapila opo ovanailonga vomosekundofikola ei va ka vatele oshoyo okuyandja omayambido onhumba kovaenda avavaliveyaokukufaombingamokudanaefiku lemanguluko loshilongo. Ovakufimbinga ava va li va holoka koshitufi eshi ova li va koya po600 noinakuwanifa yokangudu aka okwa li okuteleka, okuwapaleka oundjuwo oshoyo eenduda omu ovakufimbinga va kala hava nangala oule womafiku ahamano.
“Pefimbo twa li hatu longo oilonga ei, kakwa li twa pitikwa okulya oikulya ei hatu va telekele shaashi vati fyee otu na ondjabi yetu ei hatu futwa eshi hatu longo oilonga aishe ei,” umwe womokangudu ta tumbula. Ta ti yoo ovanhu ava ova kala alushe ve na oshisho shokukonga oikulya yavo keshe efiku shaashi inava kwatelwa mo moikulya yavo ei hava teleke. Ovanhu vomokangudu kavaheyali kava li yoo vati va pitikwa okuya komaumbo avo moule womafiku aa shaashi natango okwa li va pewa oshinakuwanifa shokutonatela ovaenda ovo tuu pva.
Shiweva okwa tumbula kutya epangelo ole va udanekela ofuto yomafiku e li ahamano ndele fiyo opapa kape na nande oumwe a pewa ofilinga. Okwa weda po yoo kutya okangudu oka yadeka eefoloma dokupula ko oshimaliwa ndele inava mona omayakulo asha. “Otwa twikila yoo nokutwala oshikumungu eshi komukulunhu womihandjo moshitukulwa shaMusati Joseph Nangolo ndele ta ti okwe di tuma kombelwa yomukulunhu wehongo Benny Eiseb.
“Otwa ninga onghendabala opo tu dengele ombelewa yomukulunhu wehongo, ndele okwe likanyuna kutya yee ke na eshi a mona,” Shiweva ta weda po. Oshifokundaneki eshi nasho osha ninga onghendabala yokudengela Eiseb ndele ongodi yaye kaya li momhepo. Shiweva okwa popya kutya voo ova udanekelwa okufutwa eevili edi va longa pefimbo apa ndele fiyo opaife inava futwa nande ofilinga.
“Ovanailonga pamwe naame ove udite nai shaashi ava longa ndele fiyo opaife inava futwa,” ta tumbula.