Oshikukuta mumwe nenota momukunda Amaupa mOmusati vati onghee ngaho tashi pula komesho. Petrus Shiweva omukalimo womoAmaupa moshikandjohoololo shaTsandi okwa ti ovakalimo ova li va ninga enyanyo li na sha nomhumbwe yomeva, omo vali va pula ekwafo kombelwa yangoloneya oshoyo kansela tava pula ekwafo lomeva.  

Ta ti fiyo onena inava mona enyamukulo ile ekwafo landja kungoloneya waMusati Erginus Endjala.

“Fiyo opapa ovanhu otava mono ashike oixuna yokunwa meendungu odo paife dapwiinina. Omeva paife eshi a ninga manini opaife okwa lula neenghono ashike ovanhu omo ashike tava nu voo tave li kosho shaashi kave na nghee,” Shiweva ta tumbula.  

Okwa twikila kutya kakele koululu, omweva ooh ava nu okwa kaka neengho oo vati ohaa pombola oikutu molwa oshimongwa, unene tuu ouhema vofikola shaashi ohava kala vena oiyata ipu. Omeva oshimongwa ohaa nyonauna yoo omayoo ovanhu, haa kala matwima twii-twii. Shiweva okwa ti vamwe vokomikunda dopopepi vati ohava futu oimaliwa yonhumba, yanuniwa okaloli hakadi keedoolopoa ka ete omeva mayela kuvo.  “Okaloli ohaka kawata efimbo li le nande oule weemwedi mbali ile nhatu, nefiku taka kafika ovanhu vamwe ohava xupuko inava mona omeva shaashi ohava kala vena eengoma nomandini mahapu va hala omeva mayela,” ta tumbula.

Omupopiliko woministeli younamapya Jona Musheko okwa ti oministeli oi na ouyelele kombinga yoshiningwanima, novena ondunge dilaadilo yokupa ovakashiwana ava eetenga domeva.   “Otwe li pyakidila nopoloyeka yexumo komesho leepaipi domeva koumbangalanhu waRuacana odo tadi pitile moKunene dafinda kOmakange, doo tadi ka yandja yoo omeva koAmaupa,” Musheko ta yelifa.

Okwati yoo ominino domeva vati otadi ka yandja omeva de li kwatelela komwaalu womaumbo noimuna oshoyo oimuna.

taimihaihambo2000@gmail.com