Kakukutu komatanga opolifi Inspector General Joseph Shikongo okwa pula oshiwana shi longele kumwe nopolifi mokukondjifa oumbudi wokuvakela ovadjaidjai moshilongo vehe na omikanda depitikilo.

Edi Shikongo okwe di popya Omaandaxa pefimbo lomadeulo oo a pewa ovambelewa vopolifi noshoyo ovanambelewa tava longele keengamba.

Ovanambelewa va yooloka ova pewa omadeulo nelalakano va kale ve na owino yokukelela onghalo yokuvakela ovadjaidjai moshilongo.

Moshipoiwa shaye Shikongo okwa ti omadeulo aa okwa fimana molwashi okwa eta pamwe ovanambelwa va yooloka va dja koikondo ya yooloka opo va topolafane omayelele nouyelele.

Okwa ti unene tuu keedoolopa okwa didilikwa ha ku kala omalinyengo ovadjaidjai vahapu vehe na omikanda de pitikilo lokukala moNamibia.

“Otwa didilika ovanhu hava dilile poishiindalongo  ngaashi Angola, Zambia andZimbabwe tava longo moNamibia vehe na omikanda depitikilo omanga vamwe otava landifa momapandaanda noku longa momaumbo ngaashi okulifa oimuna,” ta ti.

Shikongo okwa yelifa ta ti onghalo yondjala nokuhe na oilonga oyo tai etifa ovanhu ve uye moNamibia tava kongo ouxupilo.

“Ovadali vamwe ohava landifa po ounona vavo  nelalakano lokumona oshimaliwa. Okudja opo ounona ovo otava ningi oihakanwa yoku li landifa po oku ya moixulo omanga vamwe otava ku twa moilonga va shona ashike itava futwa nawa,” Shikongo ta ti.

Okwa ti Namibia okwa taalela omashongo okukande oumbudi voku va kela odjaidjai moshilongo ngaashi omaumbo okukala ovanhu va ninga oihakanwa yokukwatwako, oku ha longela kumwe nomahangano a yooloka okukande onghalo yovanhu tave li va kele moshilongo.

Okwa weda po ta ti onghalo yokuha ninga oikonga yokuyandja ouyelele nehongo kombinga yovanhu tava va kelwa moshilongo tai eta ovanhu va ninge oihakanwa yomahepeko oukashike kookanhu noku nyekwa omaliko avo.

Shikongo onghe okwa ti opo ne Namibia ova findane omashongo oo a teelelwa, osha fimana ngeenge oshiwana tashi longele kumwe noku ninga oikonga yokuhandja ouyelele moshiwana.

fhamalwa@nepc.com.na