New Era Newspaper

New Era Epaper
Icon Collap
...
Home / Yina yokanona kena uulema ota indile ekwatho moshigwana

Yina yokanona kena uulema ota indile ekwatho moshigwana

2021-01-28  Victoria Kaapanda

Yina yokanona kena uulema ota indile ekwatho moshigwana

Ndinelago Simon 30, a yambukile momukunda Okatha Kamumbwenge okwa ti ota pumbwa ekwatho opo a paluthe noku ymbidhidha okanona ke na uulema. Simon ta ti, shoka unene ta indile moshigwana oku pewa iilonga.

Simon okuna okanonamati komimvo hamana Elias Kaukungwa, kena uulema. Kaukungwa iha popi, iha ende, iha kuutumba ye iha vulu okulya kuye mwene. “Okanona kandje hasho ka valwa ngaaka. Omawupyakadhi agehe ngoka onde kagadhimbulula okuza poomwedhi hamano, mpoka natango ndaka dhimbulula kutya oshipa she oshina uupyakadhi,”Simon a popi ngaaka. Simon ta ti, oku li monkalo odhigu oshoka ke na iilonga okuyambidhidha okanona ke. Ta gwedha po ta ti, oN$250 ndyoka haya kwata komwedhi omolwa uunkundi wokanona, ihayi gwanitha po oompumbwe adhihe dhokanona. “Kaukungwa ohali iikulya iipu ashike, ominambo noothewa oshowo omagadhi go shipa she kehe omwedhi.

Ohandi mufala koshipangelo iikando ya pita pwiitatu momwedhi, nolefa ohayi pulandje N$70 okuya noku galuka,” Simon ta ti ngaaka. Simon okwa gwedha po ta ti, Kaukungwa oku li mompumbwe yo katemba oshoka iha vulu okweenda, oha kala owala alala ethimbo alihe.
Ta ti, okatemba otaka vulu okukwathela poompito odhindji.  Simon ta ti, ohashi uvithandje nayi okupula aluhe omakwatho, aantu nayo ohaya loloka.

“Shoka nda hala unene iilonga, opo ndi vule okuyambidhidha okanona kandje mwene. Otandi indile moshigwana ku kehe ngoka ta vulu okuyambidhandje niilonga yoludhi kehe, opo ndi vule okugwanitha po oompumbwe dhokanonona kandje oshowo nangame mwene,” Simon ta ti.

Agwedapo ta ti, he yokanona ngoka ihaa yambidhidha okanona anuwa okwa ti, iha vala uunona wu li monkalo ngaashi ndyoka yi li Kaukungwa.  Simon okwa ti, ngoka ta vulu okumuyamidhidha, ota vulu okumumona konomola ye yopeke 0815678538. 


2021-01-28  Victoria Kaapanda

Share on social media