Omupresident gwaZambia Hakainde Hichilema, okwa tseyitha kutya epangelo lye olya tokola okulukila omupresidente Hage Geingob epandaanda limwe moshilandopangelo Lusaka.

‘’Otatu lukile Geingob epandaanda moshilongo shetu ongesimaneko nokudhimbulukwa shoka a longele Zambia,’’ ta popi ngaaka.

Hichilema ta ti, oku shi okutotha mo eyambidhidho lyaGeingob, mokweeta po olutu lwoshiputudhilo shopombanda shaZambia.

Ta gwedha po ta ti, omolwomayele noondungethaneko a kala nokuyambidhidha nadho, Geingob oku shi okupandulwa.

“Otatu lili nokudhimbulukwa pamwe nAanamibia, omupresidente ngoka a li a simana koyendji,” ta popi ngaaka. 

Hichilema okwa popi wo esiku ndyoka kutya kakele kepandaanda ndyoka lya lukilwa Geingob, moLuzaka otamu ka lukululwa wo epandaanda limwe, tali ka lukilwa omukokokolipresidente Sam Nujoma.

‘’Ngame oshilyo shoprogalama yimwe kwa li ya kwatelwa komeho kuNujoma, ondi shi okupopya nokutanga iilonga ye, onkene oku na okusimanekwa nokutumbalekwa omolwa oshoka e tu longele,’’ ta popi ngaaka.

Ta ti, oya longo naNujoma mpeya naampeya, ihe ote mu popi kutya omuleli gwiitya ye, omuleli nomulongi omwaanawa.

Minista gwetanga lyegameno Frans Kapofi esiku ndyoka okwa ti okwa pandula omupresidente gwaZambia sho ta ka lukila omapandaanda ngoka gaali moshilongo shawo.

-vkaapanda@nepc.com.na