Taimi Haihambo

Opolifi moshitukulwa shaKhomas oya lopota omulumenhu e li pokati keedula 15 fiyo 20, oo vati a dengwa nokudipawa kukaume kaye momukalo woku mu mangeleka.

Oshiningwanima vati osha holoka konima eshi nakufya a li ta kendabala okunyeka omufekelwa oinima yaye, osho sha etifa omufekelwa e mu ponhokele no ku mudenga.

Konima eshi a dengwa vati, omufekelwa okwa kufa ongodi yolusheno ndele ta mangeleke nakufya fiyo omefyo.

Opolifi oya ti eshi a mana oikulumuna yaye, vati poshiningwanima okwa dja po oshota. 

Omushingi weloli natango vati okwa lopotwa kopolifi moshitukulwa shaShikoto, vati a lyata omulumenhu weedula 10 nokufya. Nakufya vati okwa li a nangala koshi yomuti. 

Nakushinga ololi vati okwa li e ya okupangela olusheno pomudingonoko, ye ngeno vati mokushuna shamunimanima nololi, ina mona ngeenge koshi yomuti oku na omunhu a nangala, ohaluka ashike e mu lyata po nale.

Ovakwashiwana vavali natango vati ova kanifa eemwenyo davo koshitukulwa shaKunene moshiponga shohauto.

Opolifi oya ti nakushinga ohauto okwa kanifa omakanghameno, ndele ovanhu va koya puvatano tava umbwa mo, omo vatatu va mona oshiponga vo vavali tava kanifa eemwenyo.

-taimihaihambo2000@gmail.com