Outjo- nguuru gomukunda Kunene, Vipuakuje Muharukua , nkera kahundilire vadinkantu vatunga moOutjo varuganese mpito ezi linaretesapo epangero mokuvatera vadinkantu vetu. Muharukua katente nonkango edi posiruwo sepongo kavakere nalyo mokulipa nombudi kuhamena yimaliwa eyi vana tambesere yivatere vadinkantu, epongio eli kalikereko po Etoshaport mosara zonkarapamwe. moOutjo. ‘’ Esi kuna kara nye sinka setu tutare asi vadinkantu vetu vahepa kukara vanangesefa. Muharukua yimo ana kutanta ngoso. Age kahundilire vadinkantu vapwage mounzi wawo, awo vayaturemo mahundire kelikwamo eli lyepangero. Age katente asi elikwamo eli kuna kara lyovadinkantu navenye kapi lina kara asi wolye. Yipo nye age kuna kuhundira nampili yirumbu gona yina kara monofarama wizeni muyaturemo mahundiro. ‘’ Ame kuna kuhundira vasovaganio noyirumbu navenye vahepoa kuwiza kumwe varyugane ngesefa yipo ekonomi lyomukunda Kunene likare lina wapa. 

Yimo ana kutanta Muharukua. Age kahundlire vadinkantu womoOutjo vawizepo nonongesefa edi navavapa simaliwa. “ Mwahepa kugazara momunene namuvenye kumwe. Twahepa kukara nonzodi zonene, yimo ana kutanta. Age simpe kahundilire ava vana kara nare nongesefa, asi vahepa kupako vakwawo magano. 

Age katente asi mberewa zanguuru, ntani vakansela womomukunda, awo navagwanekere mokwedi rumwe kumwe novadinkantu yipo vatulisepo ekeverero. 

Vamwe kavekere pepongo eli vakarelipo woministeli zoyimaliwa, ava nye kavaziremo momunene, mokugava mauzera kuhamena yimaliwa eyi yovadinkantu omu navagwana noforoma dokuturamo mahundiro ntani yokuvhura kusikisamo. -Nampa