Okahandja- kuna kuwapukurura kugwana mambo, siruwo esi sakarapo sokugava mavango gokutunga ngesi kuna kara simwe momukunda gwaOvitoto kupitira mwakansela gomukunda Israel Hukura. 

Age sinkwa ntani kageve nombapira pulisiro kovahundili wokusika ko 134 vatungimo, ntani nokugwedako hena ntambali kwavakavatuliremo mahundiro gomape navenye kuna kara asi vatungimo moOvitoto. Mowo 134 ndi mavango ogo kunakara asi kwagarundurura nye momakwedi ntazimwe ngesi kuna kukahaga nye mo 30 Pembagona 2025, omu muna kwatere nongendeseso dina kutanta asi mavango ogo gahepa kugaruganesa mokatji komakwedi ogo tuna gava, ntani makongo gawo vahepa kugamana kukwama siruwo oso vana lizuvhasana. Hukura katanterere sayitunga zaNew era asi nombapira nzapo dokusika ko 109 ngesi kwadiwapukurura monomvhura edi ntano ntani edi ntatu kwadihagekesa, ano edi 18 mahundiro kwakara asi gokutunga simpe ngesi kuna kundindira vagatarurure nokugagavera. 

‘’ Eyi kuna kara nye asi simwe esi tuna kara naso ngesi omu nye natugava mambo gomawa govantu vetu. Kuna kara elikwamo lyondiro, nye ose kuna lituramo tusikisemo eyi twatumbwidira kovatungimo vetu kugava mambo ntani kugava evhu vatungemo vantu. Yimo ana kutanta ngoso. 

Egano lina karapo ngesi kutamununa evango eli omu tuna hara kugwedako nokuliwapukurura evhu lyangoso makura tukare nye nomarukanda gana vhuka yipo tugava eyi vana pumbwa vantu vetu vaze komeho mekuliko. ‘’ Ose simpe kuna kara asi evango lyetu eli twahepa kulitura likare nomarukanda gokulisiga siga. 

Mokurugana oyo nayirerupa unene, mokugava eyi vapumbwa vantu ngwendi mema ntani rutjeno ntani mambo gana kara pepi novantu. Mutaruruli nare twamugwana apa nye natutameka hawe ose kuza tupu nye komeho eyi tuna kumona asi yimo natureta ekuliko momukunda horowero gwetu. Mukunda horowero gwaOvitoto kwato evango lyakara asi lyodoropa, awo kwakara tupu nevango lyokutunga lyakara moOkandjira, ano mavango nagenye gokuhupako nomukunda tupu. Okandjira, mevango lyegendeso kwakara moOmatako, nokugwana egendeso pamberewa kondango zomukunda gwaOtjozondjupa. 

Evango eli ndi aga gakara asi gepangero kugagwana moOkandjira, muna hamene ministeli zonondima, mema newapukururo evhu, unene ruha nye rwakarerapo mema gokonomukunda ntani varugani vepangero. 

Kwakara po sipangero, sitas i sovaporosi, sure zosekondere ntani zimwe zomalipakerero ntani ne doprimere momukunda horowero. 

-ohembapu@nepc.com.na