Khoekhoegowab, Languages

ǀGaisa ǀnanub ge ǁaerob ǀgaiba gu daoga nî ǂganamhesa !aroma hâ

2026-03-032026-03-03By Edgar Brandt
ǀGaisa ǀnanub ge ǁaerob ǀgaiba gu daoga nî ǂganamhesa !aroma hâ

!Kharaga daogu ge ǁKharas ǀkharib !nâ, ǀgūae ge ǁnā hâ i ǀgaisa ǀnanub tsî dâu!khūdi xa ge !aromahese, ǁaerob ǀgaibas nē daoga sîsenūsa nî ǂganamhe !khaisa ge !aroma, nēs ǀkha !norasasiba hoa sîsenaon !aroma nî ǁapoǁapose. 

Daogu ǂGaeǂguis ǂNûiǂgās (RA), ge ǂoa ge wekheb di donertaxtsēs ai ge mî, ǁîn nē mâsiba ǂōrisase ra !hara tsî ôa!nâde dī tsî ǂhâpasa i apa !gâi!gâi!nâdi tsî kuru-unudi ǀkha nî tsoatsoa !khaisa. 

ǁKhā soab ais ge Rasa ǀhûsiga ra ǀapema, daogu ǂganams ǁgauǁgaude ǁnâuǀnam tsî RAs ra māǂui haisi-amdi ǂans !naka hâsa. ǁKhāti gu ge ǀhûhâsiga ra ǂganhe, kai daogu ain ra mû ǂkhôaga ǁâǁawab, e-mails, !oa!ū hâ !nubu haisi ams (DM) ǂhaitsi aiǂhaweb ai tamas ka io ǁîs a ǀgū RAs Beros tawa !nurisa. 

Daogu ǂGaeǂguis ge nē mâsiba ǁkhāti ǂōrisasib ǀkha ra ôa!nâ tsî sîsengu ǀkha mâsigu ra mûsens !oagu nî ǁnāǂgō. 

!Nari-aon ge ra ǂganhe hoa !norasasib !naka !khâikhomde sîsenū tsî ǁguiǂuisa hāǀaro ra daoga nî sîsenūse isa. 

Daogu hîa îbe a ǂkhôasa gu ge: Kai daob 1077 (DR1077)- DR 1089, !Gaeǁnâxasa xu ǀAsab (DR1075) ǁga garuba. ǁNā daob a ǂganamsa ǁaeb !nâts a sîsenū ǁkhā daob ge, Dana Daob 32 (MR32) Khāxatsūs tsî Kai Daob 1089 (DR1089) ǁKhūta!hoas/ Helmerinhausens ǀkhāb ǁga tamas ka io Dana Daob 98 (MR98) sîsenū, Tsēsa xu !Autsawises ǁga tsî Kai Daob 0554 (DR0554) ǁKhūta!hoas/ Helmerinhausens ǀkhāb ǁga garuba. 

Kai Daob 1088 (DR1088) Khaxatsūs ǀawas ǀkhāb !âb dib tsîn ge a ǂganamsa tsîts ge sao ra daoba a sîsenū ǁkhā: Dana Daob 32 (MR32) Khaxatsūs tsî Kai Daob 1089 (DR1089) ǁKhūta!hoas/ Helmerinhausens ǀkhāb ǁga. Dana Daob 25 (MR25) ǀNomsorosa xu Aroab !oa, ǁaupexa 50 xu 70 kilometergu gaxusiba a ǂganamsa. T0301 daoba ǀNomsorosa xu Grunaus kōse sîsenū tsî !kharu Dana Daob26 (MR26) !nâ, Aroab ǁga ra !oase. 

Kai Daob 1075 (DR1075) ge DR1089 xu ǀAsab kōse a ǂganamsa, o ǁîb !aroma Dana Daob 32 (MR32) Khaxatsūsa xu tsî Kai Daob 1089 (DR1089) hîa ǁKhūta!hoas/ Helmerinhausens ǁga ra !oab !nâ ǂgâ, tamas ka io Dana Daob 98 (MR98) Tsēsa xu !Autsawises ǁga tsî Kai Daob 0554 (DR0554) ǁKhūta!hoas/ Helmerinhausens ǀkhāb ǁga garuba.