NKURENKURU – Otilie Mpingana Hauwanga walilimo zemashumi amalalu ili yasimuluha kwa Nkurenkuru ukupa mubuso kutusa babanca bababeleka katata mwalipisinisi zakuikataza.
“Kakuba babanca, lutokwa misika kuli lulekisa zelu eza. Musika oezelizwe babanca watokwahala mwa Nkurenkuru, kakuli musika wasicaba utezi, mi hauhapi bazamayi.
Uswanela kucafazwa. Malekisezo afilwe kwabasupali, buñata bwababanca hakuna kobaisa libyana zabona, sihulu mwatolopo,” nabulezi hane alekisa libyana zahae kwa kezahalo yakubabaza ni kulekisa yene ezahala viki yefelile kwa Nkurenkuru.
Hauwanga ulekisa libyana zamatalo ni litino. “Niluha mikotana, litino ni makatulo hala zeñwi. Tuso yenitokwa kwamubuso kikunifa lisebeliso. Nisebeza katata, nenifumani lituto kwasikolo sa Rupara, teñi babanca bafumana lituto mwalikalulo zeñata,” nabulezi. Kezahalo yakulekisa ni kubabaza nebile teñi mwa Nkurenkuru kukala Lamubulo kutisa Lapelekelo. Teñi buñata nebaile kwakulekisa nikubabaza libyana ni lisebelezo zebaeza.