Auleria Wakudumo

Eleven Warriors FC oyo i li pombada yoshitaafula molixa yotete yokonooli noitwa 17, a shikulwa kOngwediva City FC ina oitwa 14 konima youdano wexulilishivike. 

Eleven Warriors okwa ulikila Ongwediva City komutwe wondjaba Olomakaya mokapale komaudano koIndependence Stadium mOshakati eshi yeva dedaula nhano monola. 

Mefiku omo tuu omo, Unam Ogongo FC okwa denga oGolden Bigs FC nhatu monola. Okwa ka landula oYoung Chiefs FC oyo nayo ya pondola okuangatapo oitwa itatu eshi ya denga oPoison Arrows FC mbali nomola. 

Omanga Okakarara YW FC ya pupula oAfrica Motto FC mbali monola. Onambula United FC oyeli fiya ofika noKhaibasen FC oshoyo oGolden Bees FC nOnghulumbashe DC FC navo ovali aveshe va nyengwa okulitula okoola. 

Osoondaxa, Onambula United oya patulula okapale eshi ya denga oGolden Bees ekoola adishe nhee monola. 

Taku shikula Onghulumbashe DC oyo ya denga Khaibasen nhatu monola. 

Golden boys naye okwa vena Osoondaxa eshi a denga oYoung Chiefs nhatu monola. Natango omakondobolo eli komesho yolixa yokonooli okwa toola oitwa itatu eshi va denga oAfrican Motto mbali monola. 

Ongwediva City nOkakarara ovali veli kwetifeko aveshe ashike nande ongaho Ongwediva oya pondola okuvena mbali muimwe. 

Omanga Poison Arrows noUnam Ogongo aveshe veli fiya ofika onola monola. 

-awakudumo@nepc.com.na