Abraham Mwanyekange
Ovashikingalo ovaNamibia otava indilwa opo va kufe ombinga momapapa Ongoma eliko neudo muJuni modoolopa yaNgwediva.
Omupopiliko wOngoma Ame Ondawanapo Ndume okwa ti ota shi ka kala oshikando shotete omapapa taakufa ombinga moNamibia.
Okwa ti omapapa ota ma fimaneke nokutala ovashiki ngalo ovo tava yambula po omifyuululwakalo neenghulunghedi, pehena ondjoolola kutya ou omukwashike.
Ndume okwa ti ova faneka omapapa aka kale ko momwedi Juni.
“Efimbo opaife opo tuyambule po ovo tava longo noudiinini naavo tava kwatele po omifyuululwakalo detu do vaNamibia,” ta ti.
Ndume okwa pula ovashikingalo opo valongife efimbo eli okuhadeka molwaashi ekufombinga ola patuluka nale.
Ta ti ovashikingalo ova teelelikwa nee vakufe ombinga mo mafiyafano ngaashi, ongalo dingi kodula yopamufyuululwakalo, ongalo dingi kodula taixwameke exulife po lokumonifa ovanhu oixuna yopoukashikekookanhu, omutoti po woikwelenge dingi wokodula, enyuwana dingi lomodula meengalo, osho yo okavidio dingi ko ko dula. Ndume okwa ti ovo va hala oku kufa ombinga ova manguluka okushininga tava pitile ko email yo ongomamusicawards@gmail.com.
Ndume okwa hokolola ta ti elalakano lokweeta po omapapa okuhumifa komesho omifyuululwakalo osho yo eenghulunghedi do va Africa osho yo okunghonopaleka ekwatafano liwa pokati ko va toti voyiimbo moshilongo.
Ndume okwa pula epangelo osho yo omahangano opaumwene vayambidide oyeetwa po yovaNamibia.