Elelodoolopa laShakati ola shivifa kutya omalishangifo oipindi e na sha nomapata, oyo ya shivika nawa ongOshakati Totem Expo okwa patuluka paife.
Omupopiliko wodoolopa Martin Kapuka okwa yelifa kutya eefo oloma domalishangifo odina ashike N$150.
Kapuka okwa ti outala ngaashi veembelewa edi dakula ove na ashike N$5 000, okapana N$1 500, omashingifilo opedu moimhungu ya yooloka nao oku na ondado okudja po N$1 500 fiyo oN$750.
“Elalakano lomauliko opaipindi okweeta ashike omadimo omifyuululwakalo da yooloka pamwe, osho yo okushivafana nokutala nghee have shi endifa,” ta ti.
Okwa twikila kutya natango elalakano likwao okuyandja yo omhito kovanangeshefa vomangeshefelo opedu omhito yokushingifa peenhele da yooloka, nokuninga oukaume novanhu va yooloka.
Omauliko aa natango ohaa nane yo ovanhu okudilila keedoolopa da yooloka osho yo oilongo ya yooloka, ve uye va ondole omesho.
Oipindi oya teelelika i ka kale ko mo 29 Mai fiyo omo 6 Juni 2026, kokapale kakula komaudano kaShakati.
Eefooloma domalishangifo otadi hangika pombelwa yakula yelelodoolopa laShakati.