Festus Hamalwa
Omulumenhu weedula 32 okwa fya omanga omukuinhu weedula 22 e li moshipangelo shaShikuku eshi va tuwa neembele komulumenhu oo vati naye eli ohonda yomukainhu oo.
Oshiningwanima eshi osha ningwa mEtivali lwopotundi 23h00 momukunda Okaanga moshitukulwa shaMusati.
Nakufya okwa tongolwa kutya oye Amadhila Shiimi Malakia omukalimo womomukunda Okaanga moshikandjohoololo shaNesi.
Omukonakoni woimbuluma wopolifi moshitukulwa shaMusati omupedu Commissioner Moses Simaho okwa hokolola ta ti Malakia okwa hangwa monduda yoku nangala yokaadona kaye kape. Omufekelwa vati eshi a uda onghundana kutya okakadona kaye oka mona po ohonda ipe okwa ya ko keumbo oko eke va ponokela neembele.
Malakia vati okwa tuwa neembele monhulo nomedimo fiyo omandjandja ta ndimo medimo.
Opolifi oya hokolola tai ti nakuninga oshihakanwa okwa twalwa koshipangelo shaTsandi nokonima okwa xulifa efiku tuu olo efimbo lokonguloshi.
Vati omukainhu ou eli ohonda yomufekelwa okwa mona oshiponga medimo eshi a tuwa neembele meemati.Opolifi oya hokolola ya ti omufekelwa okwa kala mohole efimbo lile nomukainhu waye novena ounona vavali.
Omufekelwa ina kwatwa po natango, okwa faduka po konima eshi a longa oshimbuluma eshi.Ovakwapata vaMalakia ova shivifilwa efyo laye nomakonakono opolifi otaa twikile.Opolifi ota indile moshiwana kwau e na ouyelele apa ta pamonika omufekelwa opo oshiwana shi kale shalopotela opolifi keshe ili popepi.
– fhamalwa@nepc.com.na