Omulumenhu weedula 18 okwa fya eshi a tuwa nombele kukaume kaye Olomakaya efimbo lokonguloshi lopotundi 20h52 koundingosho momukunda Okandi moshitukulwa shaMusati.
Nakufya okwa tongololwa oye Sakaria Kamhulu a dile komukunda Eengwena koshitukulwa shaHangwena.
Komufala wopolifi moshitukulwa shaMusati Commissioner Titus Shikongo okwa hokolola ta ti omulumenhu oo okwa li ka landa omboloto mondingosho nokonima nee eshi nakufya a landa omboloto okwa kala ta ningwa ‘omashendjo’ komufekelwa e li moshivelo ta ti kutya nakufya ita piti po a ye pondje.
Okwa ti eshi nakuninga oshihakanwa a ya pondje yondingosho omufekelwa okwe mu landula ndele te mu tu nombele yokapi mofingo ndele ta xulifile ponhele opo.
Opolifi oya hokolola kutya nakuninga oshihakanwa ke na eshi a ninga omufekelwa opo e mu twe nombele.
Omufekelwa konima eshi a dipaa kaume kaye okwa faduka po meendelelo a uka moixwa.
Ongula yOsoondaxa omufekelwa okwa kwatwa po notakaholoka momangu nena.
Ovakwapata va nakufya ova shivifilwa efyo laye nomakonakono opolifi otaa twikile.