Omusamane weedula 55 okwa kwatwa po eshi a denga okaana kaye kokakadona nenghava moshipala Osoondaxa efimbo lokonguloshi modoolopa Oshifo, moshitukulwa shaMusati.
Omukonakoni woimbuluma wopolifi moshitukulwa shaMusati omupedu Commissioner Simaho Malakiya okwa hokolola ta ti omulumenhu ou vati okwa kala shito ha ningile okaana kaye omatilifo ta ti kutya ote ka dipaa, yee vati oha kala tatuku okaana kaye nokukaula omalaka mai.
Opolifi oya hokolola tai ti omushamane okwa kala shito ha denge okaana kaye ashike okaana oka kala nokulidinika efimbo lile fiyo ta ka lopotela opolifi kombinga yaxee eshi heka hepeke meumbo.
Nakuninga oshihakanwa okwa patulula oshimbofa shili koshi yokadendo komahepekafano omomaumbo. Omakonakona opolifi otaa twikile.
Opolifi oya kunghulila oshiwana opo shi kale tashi lopotele opolifi ngeenge tashi ningilwa omatilifo momaumbo.
Okwa weda po ta ti ovanhu nava kale tava shivifile ovashiinda shavo ile oovene vomikunda ngeenge veli kokule noitaashi yopolifi.
– fhamalwa@nepc.com.na