Auleria Wakudumo
Ngoloneya woshitukulwa shaShana Elia Irimali okwa pandula oshiputudilo shopombada oUniversity of Namibia (Unam) eshi ya hanganifa ovapangeli osho yo ovalihongipangeli okudja koikondo nokeefikola da yooloka okukundafana omaudjuu nokukonga ekandulepo lomaupyakadi ahapu a taalela exumokomesho moshilongo.
Edi Irimali okwe di holola Omaandaxa, pefimbo letalelepo ledimbuluko lefiku lomutumba wedimbuluko lovapangeli oo haa dimbulukiwa mounyuni aushe omafiku atatu koUnam Jose Eduardo dos Santos mOngwediva.
“Ohandi pandula oshiputudilo eshi tashi xumifa komesho eudeko loungoba, outeknologi oshoyo eyambulepo lelihongo lovapangeli.
Onde lineekela momutumba otamu ka likolwa oidjemo iwa nakeshe umwe otaka kufa mo shihapu,” Irimali ta ti.
Omutumba wedimbuluko lovapangeli novahongipangeli otau ka tula moilonga okukandulapo omaudjuu ha taalelwa kovapangeli oshoyo okukendabala okufinda omaudjuu exumokomesho.
Omutumba owa hovela okudja 02 Decemba 2024 nowa teelelwa ukale wapwa 04 Decemba 2024.
Oshili oshikando shotete oshiputudilo tashi unganeka omutumba uli ngaho.