Auleria Wakudumo
Omulumenhu weedula tadi tengenekwa po50 ota kongwa kopolifi moshitukulwa shaKavango-ushilo molwaashi a ponokela kaume kaye kopaihole weedula 49 nekatana.
Oshiningwanima osha ningwa Osoondaxa, sha ningilwa momukunda Shiwandamo moRundu lwopo 01h00.
Rafael Stefanus vati okwa tetaula po omuvelo wakaume kaye kopaihole ndele ta ponokele nokuteta ohonda yaye nomakatana, oyo yi li tai mono epango lopaunamiti moshipangelo shepangelo moRundu.
Opolifi otai indile ekwafo koshiwana mokukonga Stefanus, nau ena ouyelele ota indilwa a kwatafane nopolifi yili popepi naye.
Oshiningwanima shimwe vali, opolifi moshitukulwa shaShikoto oya tula omulumenhu weedula 40 moipandeko molwaashi ta fekelwa a twa kahewa kaye kopaihole weedula 28 noshikuti.
Oshingwanima osha ningwa Etine, sha ningilwa komukunda Onampengu moshitukulwa shaShikoto.
Omukulunhu woshikondo shomakonakono oimbuluma moshitukulwa shaShashikoto, Deputy Commissioner Titus Ekandjo okwa koleka oshiningwanima eshi.
Nakuninga oshihakangwa vati omukwashiwana waAngola, a dja komukunda Omahenge nova kala hava di pamwe nomufekelwa oule weedula nhatu.
Oshingwanima vati osha landula eenhamanana da li da tukuka pokati kavo konima yokafimbo kanini eshi vati va fika meumbo.
Konima vati yeenhamanana, omufekelwa okwa kufa oshikuti noku twa ohonda yaye.
Nakuningwa oshihakanwa okwa ka kufwa oshikuti koshipangelo shepangelo shaMuthiya.
Otaku hokololwa yo kutya omufekelwa nanakuningwa oshihakanwa ova kala veli mekwatafano lopaihole lina omahepekafano, omo omukainhu kwali a tambulilwa moshipangelo oule woshivike muMai, konima eshi kwali a monifwa oshiponga komufekelwa.