WalvisBay – Kansela gwaSwakopmund kahundilire epangero nanavenye vahamenamo asi vahepa kugwana mpito omu navagusapo udigu womambo aga gana pilire venyago gokusika ko 290 mambo aga vapira kumana gakere asi ko Mass housing nsi vahepa kurandesa mambo aga kukwama nomusunda kovatungimo womodoropa.
Mukurona godoropa pamberewa Archie Benjamin katente asi awo kuna kara novatuntu vaturamo mahundira vanahara mambo wokusika ko 22 000 vana kara si kuna hara mambo nye simpe ose kuna kara nomambo gana pili vantu.
Epangero mo 2020 kwatokwere kutwara Ferusa Capital Financing morwa kapi gakweme malikwamo gomawa ntani kwatezzzerepo elizuvho nalinye.
Kampani ezi mwenyazo Tobias Akwenye, kwagwene yimaliwa yokusika ko N$ 173 yono miliyuna vamupere vaNHE adike mambo.
Ferusa kwamundindilire asi tadike mambo gokusika ko 503 makura nage yipo nye gatulire vatungi vavali vadike mambo aga. Ano nampili ngoso mam,bo gamwe kapi gapwire kugadika morwa yooyo yokuza konompanguro morwa varugani kapi vavafuta.
Benjamin kageve nonkango edi konyima tupu apa kadingwire mambo aga, kumwe naPresidentegona Nangolo Mbumba, ogu kakere asi momukunda gwina kakere noyirugana konodoropa dina dekefuta. Ogu kahuyungire kovanambudi konyima tupu zokudingura evango lina, Benjamin kante asi Swakopmund kuna lituramo unene mokugava mambo kovatungimo vawo.
‘’ Kuna karako mambo 133 gana kara asi novantu vago, aga vadika kupitira moMass housing. Okwina kuna kara ko maruha gavalindi gatatu kuna kara ,mambo vapilira kumana kudika morwa owo vadiki kapi vavafuta. Mokukwama mwendi kuna kumoneka asi vakansela ntaantani vagusepo udigu wangesi.
Age simpe katente asi mambo aga vagarandese kukwama nompadi vana varura. Awo kuna kara novantu wokusika ko 22 000 vanahara mambo. Eyi kuna kara 290 kwaga 1 300 vana kutunga vakansela. Vakansela vaSwakopmund kwatura evhu eli navaruganesa nokutura ko nayinye eyi yapumbwa kuruganesa komavango nagenye aga gatatu aga gana kara asi ngesi kuna kundindira tupu nye nomutangu edi dina kara konompanguro dononene.
‘’ Ose kuna hara mambo gangesi gakare navenyago, eli evango lyenene. Kansela gomukunda Ciske Smith –Howard nage katente asi kukora unene komutjima nsene tomono asi mambo ogo gana pili vantu kuna kugazonagura momunene nye ose kuna kara novantu vana pili uturo, ngesi kuna kara momambo goyipereki modoropa.
Kuna kara nawa nawa asi mambo aga naga vatera momu nene, mokugusapo udigu ou womambo kovantu masere vana kara asi kuna hara uturo wavene’’ yimo ana kutanta Smith Howard. –edeklrk@nepc.com.na