Elelo loshitunda shaNgandjera ola yandja omakwafo eembidja doutalala kovanafikola veli 157 vokofikola Oiva Shivute Combined School. 

Ofikola Oiva Shivute Combined School oi li momukunda Uukwandongo moshikandjohoololo shaKahao.Ovanafikola ova pewa eembidja neembulukweya di  li pongushu yoshimaliwa N$40452.

Ohamba tai wilike oshitunda shOvangandjera Johannes Mupiya okwa ti ovanafikola ova fimana molwashi otava ka ninga ovanashilonga  vokomongula ovaleli va yooloka.

“Osha fimana ngeenge ohatu yambidida ovanafikola shaashi otashi kwafele okushakeneka epangelo ondjilakati,” ta ti.

Okwa ti ombelewa yaye oya didilika ovanafikola va taalela omashongo a yooloka unene tuu okuyena eembidja doutalala.

“Ngeenge omunafikola ta kwafele noikwafifohongo otashi mu kwafele eli honge nondjungu,” ta ti.

Natngo neudo, elelo laNgandjera okwa li la yandja oikulya kovanhu 570 mwa kwatelwa ounona 40 va kwatwa komanyutu.

Eumbo keshe okwa li la pewa omaadi okulya neendooxa hamano deeshi nosho yo okakutu ko20kg momunhu keshe. 

Mupiya okwa ti omikunda 102 di li melelo laNgandjera oda mona omauwa okupewa oikulya.

“Elelo letu ota li twikile okuyambidida oshiwana shi li moluhepo,” ta ti.

fhamalwa@nepc.com.na