Home / Rukoro maningire Ovaherero avehe okukawondja pamwe motjisuta Rukoro maningire Ovaherero avehe okukawondja pamwe motjisuta
Kae MaÞunÿu-Tjiparuro Olephalale-Epaha ra Tjiute, omasere nomasere okuza kominda notukondua peke peke twa South Africa orini, ndari esekirise, Otjauana na Namibia, raworonganene muno omayuva womasuviro ngazuko okuteza orutjindo rOvaherero nOvambanderu ozombura 110 okuza nokuvaza muno. Ovasekirise vovimbumba yari orutu indwi Oruuwa Rozondekurona zOvaherero, nduri orutu rozondekurona zOvaherero mo South Africa oro wina nduungurirapo ongondjero yOtjiÞiro Otjindjandja notjiusta mehindo kehi yozohoroose KamuÞuua Kanÿorozu na Tuamanovandu Papo. Okuza mo Namibia mwari ozombara peke peke mumuna ombara otjitambi yOvaherero, Vekuii Rukoro, nozombara nozorata zouhonapapre we ndari motjivaro tjomasa kuwo kukwerikwambere ombara Sam Kambazembi wOnguatjindu, ombara Hiangungo Kapia wOtjizemba, ombara Turimuro Hoveka wa Tjimana ngunda oruhindi rombara otjitambi yOvambanderu, omwara Karikondua Ngunvauva arwananenwe iyorata onene, Nelson Hauanga. Okuza kOtjauana mwari ovimvumba mbiazire kotukondua peke peke tjimuna o Mahalapye na Makunda. Ngunda mo South Africa ovimbumba avyazire wina kotukondua peke peke tjimuna Okapa no Northwest nganduu wina ko Gautenga. Otjimbumba tjozombara tjatengere po tjinga atjatuka Oritjatatu ndazuko atjikawirira mOndundu mEhi mutjaza momatemba okukavaza kOlephalale mondjira puzakarere novyungura peke peke okuhakaena novanane peke peke voporotika novombazu. Tjimwe tjotjikoro mouyenda wozombara imbwi yari okuyenda pozongungu zomukuru Kaunjonjua Kambazembi ihe omunene wombara Kambazembi po Nachtwacht. Mapezemburukwa kokutja ombara David Kambazembi wakawira mo Lephalale mombura indji o mari mouyenda puna omuzandona we ombara Sam Kambazembi okuye kukondja okuteza ongungu yaihe. Nai oyo yamunikwa naitungwa. Mehungi re ombara Kambazembi watjere eye weripura kokutja omatupa waihe kayena kuyaruka ko Namibia. Mena rokutja oyo nai ongeri orusepa pokati ke nozondekurona ozongwao zondjembo ya Katjivitjouanga mo South Africa oo Kanÿorozu, Kamburona, Mutate, Katjimune, Appolus novakwao.
Your experience on this site will be improved by allowing cookies.
