2006-09-29Staff Report 2 I Kae Matundu-Tjiparuro OTJOMUISE O Swanu ya Namibia ya yandja oruvara okuura kombepo ndja hitisirwe iyOmbara Otjitambi yOvaherero, Kuaima Riruako, mOmbongarero yOtjiwana. Omunane wo vitjitua vyo mazemburukiro wozombura o 47 zotjira ihi, Unomuinjo Tjiuongua, watjivisire nao. Oritjaine ndazuko Riruako otja hitisire ombepo yokuningira ondjuwo indji oku hungirira kotjitiro tjovandu va Namibia mozombura inda o 1904-8 no kuningira ounepo wo ndjuwo indji okuyandja omasa keningira rotjisuta. Nandarire kutja muno o Swanu kayari a maikara no mazemburukiro wo ngwatero yayo mena ro unepo wayo mbuhina kuvaza kOtjiwarongo yari noma zemburukiro omatiti. Muhuka o Swanu ma i kakara no mbongarero yayo yorutu romondivitivi mo Tjiwarongo tjazumba a i zemburuka ongwatero yayo. Oritjatatu mOtjomuise ovandu va nyondorokere nu tji ma i katjombokera ohambondatu yo ngurova etuwo ro komando yerapi rotjiserandu arihara ekumba rovandu rotjivaro tjopokati mu mwari ounepo outakame wo Swanu nawina ova nambango no vazapamwe nayo. Ovandu va woronganene okuza mozoiri zomakutukiro nu avehaama outjongo tjongo okuundjira po varwe. Ngunda tjiva ama veri ombori pendje tjandje tjiva mave puratene omizumbi vyo Swanu nai mbya woronganisirwa mo mboronganisiro yoruveze rwa kandi nondi. Pari ovahungire vevari uriri omutjangerero wotjira, Mika Kauami no Presidenda Onongo Rihupisa Kandando. Kauami watjere ngunda otjingi tjovature va Namibia ovasyona, ovanatje varira ovo morupanda okuza moma hongero nu otjiwana wina tjahepa ovanane tjinga mberipo nai averi ovanane motjinyo uriri ku kuheri movitjitua okwiisira ko ma uzeu nge tjihavera. Munao otji tjasewa kotjiwana okuripura kutja matjikara mondomo mutjiri nai mu tjikuza tjakutuka ngunda a tjihina ouyara nganduu rune. Tjazire no ku humbura ko makuruhungi wo Swanu, Kandando watjere otjo tjira ma i kawondja komurungu okurambera omuhunga omukahu nu mbutandera koruhepo rovature mo u nene no utitit waro. Waraisire kutja tjetara pena omazuvira posyo wOngundeveta mounepo wOmbongarero yOtjiwana no zoministera. Otjiraisiro tjimwe tjo mazuvira omavi inga omatungiro wozonganda zomahongero momahi warwe notjimariva tjovandu va Namibia. Wina watjere ondjara, o u kaiya, okuhina kutjanga nokuresea, omitjise no ngwava komirungu viza mohendi na momahaneno wozomburo zotjiwana navi. O u ndondi wo makamburiro wo mahundju, ovyungura, no minene tima kehi yondiero yo ku tunduuza mbaseerwe kombunda noku yeura ovazoozu mo zongetjefa, etangara ro mukongo ndji yandjua ko wa ina. Watjere o Swanu kanaa izeri okurira okanepo kondjuwo yo zoveta ndoovazu makuhee oku tizira otjiwana tja Namibia moruhepo. Watjere eyuva ro Swanu mari rire rimwe uriri orondu tji ma inana otjiwana ihi na i kutisa ondjara yatjo. Mapeya arire muhuka omundu kotjiwa. Watjere otjo tjira tjitje riraisa tjombazu novinenge vyo u yara, o Swanu kutja iri mondjuwo yozoveta poo pendje ma i pandere pomazeva woveta no ndumbiro ya auhe pepeta. 2006-09-29Staff Report 2
