Ovanamibia otava dimbuluka nena efiku omo Omupresidente Hage Geingob a xulifa, omafiku 4 Febuluali 2024.
Efiku lonena ola talika ko lopandjokonona, okudimbuluka efiku omo oshiwana sha hangika konghundana yefyo laGeingob oo a li omupresidente woshilongo pefimbo lefyo laye.
Okwa xulifa mepipi lomido 82 koshipangelo shopaumwene shoLady Pohamba moWindhoek.
Geingob okwa li Omupresidente omutitatu waNamibia nokwa wilika omauministeli a yooloka.
Okwa li yoo vali Omupilimaminista lwoikando ivali.
Omupopiliko keumbo lepangelo Alfredo Hengari okwa ti omaendo omapendafule oHeroes’ Acre ota ka patuluka okudja potundi 12h00 fiyo 18h00 okudimbuluka efiku lefyo laGeingob.
Okwa ti ovakwashiwana aveshe ve na ehalo lokuya komaendo omapendafule ova manguluka ya komaendo.
Hengari okwa ti Omupresidente Nangolo Mbumba oye ta kala omupopi a fimana kefiku olo.
“Otaku kala ovaleli vopapolitika veendodo da yooloka okundja keengudu dayooloka,” ta ti.
Okwe weda po ta ti efiku e li ota li kala nokudimbulukiwa omudo keshe.