NKURENKURU- Kavangob Huriǂoas ǀkharib tsîn ge nau !âgu !hūb digu khami ǁōǂoahâ !gao!gao !hūb di ǁûb, Dr Sam Nujomab hîa 8 !Khanǀgôab 2025 dis ai ǀAeǁgams ǀaeǁgâu-i !nâ ge ǀomǀunib di !oab !nâ ra ǁhao. 

ǀKharisi Mûǂamaos, Sirkka Ausikus ge nē !gûǂoahâ ǂgaeǂgui-aob xas ra ǂâi-oa soab ai, ǁîb di ûibab ge hoaragab hîa !hūb di !noras tsî ǁaesa ǂnuwis ǀgui Namibiab ases dis ai māsa. 

 “ǁÎb di !gâi mûǂuiba !khōǂgā hâ ǂgaeǂgui-aosis tsî ǁîb ûiba ǁguibas ge Namibiab ǁaes di !gao!gaoba ge ǁgui. 

ǁKhātib ge ǀgui!nâxasib tsî ǁaes ase  ai!gûsa gere ǁgūba. 

Nēsi da nē kai ǂoa!nâsa ra !oaba ǁaeb ǁkhāb ai da ge ra tsēdī ǁnāti ī ǂgaeǂgui-aob hîa ǁîb di hoa ûiba Namibiaba ge ǁguibaba. 

A da ǁîb ǂâiǂâisens ase ǁîb gere !khama xūna tani!kharu re, ǂgaiǀons ai !hūǁîsasisa ǂan!gâ tsî aimâis, mâǁawos, ǀgui!nâxasib !aromas dib tsî ǁaesa ǀomkhâi kais tsîna,” tis ge ge mî.

 Kavangob Huriǂoas dana ǀkharisi mâisab (CRO), Mathews Singambweb ge ge mî, Sam Nujomab !hūb!noras !khamdi b ge ǀhuru !nâdi !aroma ǀgui ǂâihōhe tide !khaisa, xawe ǀgaisa !gao!gaogu âb tsî ǀgui!nâxasib !nâ ge ǂgom hâ i khoeb ase. 

“Sida ge ǁîba ǂguro !hūb di ǁûb hîa ge kaise ǀoro !gôab ǁanina xu hâ kabinets  19 ministerna ge !khōǂgā hâ is ǀkha a tsoatsoab ase. 

ǁÎb di !hūb di ǁûsis !naka da ge ǂguro asa skoli, Himarwa Itheteba, Mpungu ǂGiǂgosi ǁHûi!nâǂharis ge ǂnuwibahe,” tib ge Singambweba ge mî. ǁKhātib ra !khōmâi noxopa xū-i ge, Nujomab ge ǁîb di kabinets di ǁanin !gôaba Kavango ǀkhariba xu a ǁgaumâisa ǁanin ǀkha a ūkhâisa tsîb ge ǁkhāsa !Haosi ǂNûs ǁanin tawas tsîna ge dī. 

“Dr Sam Nujomab di ǂgaeguis !naka da ge ge ǁkhāǁkhāhe mâti da !Hūb di Amsa ǀoasa ǂâis tsî !gôasib ǀkha nî ǁnae !khaisa. 

!Gao!gao !Hûb di ǁûb ge tātsē !gôatoahe ǁkhā tide xūna Namibiab !aroma ge dī tsî da ge tātsē a ǀuru bi ǁoa,” tib ge Singambweba ge ǀamǀam.