KATIMA MULILO – Khuta yaMasubia ilatuzi mabulatwi abuhata hala likakalezo zakuli Mulena Gilbert Muhongo Mutwa utimezi. Kwamukopano nibabihi bamakande viki yefelile, Ngambela waMasubia Raphael Mbala nanyatezi kuli Mulena Mutwa wapila mi uiketile.

“Mulena waluna uiketile. Nibata kuzibisa naha kuli hakuna butata. Sina hamuiponezi yena, uiketile mi umwamakete sakata. Naile kwaWindoko cwalecwale kuyotatubisa makete ahae, mi neluizo kuta hamoho Labutanu,” nekubulezi Mbala.

Nafile mamela kwasicaba kuambuka kuhasanya mabulatwi, mi naize kuhasanya litaba zabuhata kukona kutisa lipilaelo. Nahatelezi kuli mabulatwi acwalo akona kutisa mifilifili mwahala asicaba nikuitwanisa hala litaba zabuhata.

Mutwa naketilwe kuba mulena wamasubia mwakweli yaLungu ñohola, kasamulaho alilimo zene kusina mulena, kasamulaho alifu la Kisco Maiba Liswani III yana timezi mwasilimo sa 2021. 

Mutwa nabelekile mwalikolo la mulao, mi kimwana nyandi mulena Joseph Mutwa Moraliswani II, yana timezi mwasilimo sa 1996. Mbala yena nabile Ngambela unumwaha mwakweli ya Yowa, kuyola Ngambela Albius Kamwi yana pumuzi famusebezi kasamulaho akusebeza lilimo zelishumi kazetalu.