KATIMA MULILO – Sipokola sanaha Namibia mwasikiliti sa Zambezi nesibile nikezahalo yakutambeka nikunga kamaiso, mwahala muzamaisi yafunduka Andreas Shilelo ni muzamaisi yanga sibaka Julia Sakuwa-Neo. 

Mubusisi wasikiliti sa Zambezi Dorothy Kabula nalumbile muzamaisi Shilelo katundamo yahae nikusebeza tata, mi nasupile taba yakulwanisa busholi bwalikomu mwalibaka zaLiselo-Kamenga kuba bupaki.

Mubakweli Yomuhulu wasipokola mwanaha Elias Mutota nasusuelize muzamaisi Sakuwa-Neo kuzwisezapata lumonyi lwasiile muzamasi wapili, hala butata sikiliti sitalimana nibona. 

Shilelo nakile aketiwa kuba muzamaisi wasipokola mwasikiliti sa Zambezi mwasililo sa 2022, mi naize kusana ni zeñata sikiliti siswanela kueza hala kulwanisa busholi bwalikomu. Nahatelezi kuli swalisano ni likhuta zasizo hala linaha zepeli kiyabutokwa mwakulwanisa busholi bwalikomu.

Mwamanzwi ahae muzamaisi Sakuwa-Neo, ili yasabelekile mwasipokola lilimo zemashumi amalalu naize kimulelo wahae kuzwisezapata ketelelo yamueteleli yashimba kuyena sihulu hala kubeleka ni sipokola sa mwasicaba sesina ni likwata zelikana mwanda.

Shilelo ushimbululezwi kwasikiliti sa Oshana, mi Sakuwa-Neo uyozwelela kwasikiliti sa Kavango ya Wiko.