Abraham Mwanyekange 

Ovakomesho vongudu yopapolitika yoNamibia Economic Freedom Fighter (NEFF) efimbo kwa li va talela po eumbo lopashiwana oshivike sha dja ko ola pula opo eeveta di na sha nekuto lovanailonga moilonga okupitila momahangano opaumwene okukuta ovanailonga opo di talululwe. 

NEFF okwa lombwela omutwe woshilongo ta ti, ovanailonga ovapumbwa okukutwamoilongameyukililokomuyandji woilonga ndele hakupitila momupokati vali molwaasho ohashi eta unene edengelo lovanailonga konanghondongolo molwomauwa avo osh oyo eendjabi davo tave di topola nomahangano oku va tulifa moilonga. Gottlieb Ndjendjela mwene wehangano lopaumwene lokuyandja oilonga loEmployees Placement Services Namibia CC (EPSN) okwa lombwela Kundana ta ti ope na ouwa uhapu kOvanamibia okukongelwa oilonga komahangano ngaashi EPSN. 

Ndjendjela okwafatulula eyooloko pokati kokukongelwa oilonga mefimbo lonale manga oshilongo inashi manguluka nomopaife eshi sha manguluka. 

“Monalenale ohaku tiwa ashike indeni melandulafano, londeni motuwa mu ka longe no nande kamuna eshiivo kutya otamu ka longela lye, otamu ka longela peni, kutya otamu ka pewa ingapi nosho tuu. 

Ashike paife ohatu ti eta eembapila doye kufye tu ku kongele oilonga, oushishi kutya oto pewa ondjabi I fike peni komwedi, noto ka longela peni ove natango owa pewa omhito opo u twe kumwe naasho tolombwelwa u na oufemba wokutya ino hala noxo, hao ngaho ouwa oo?” ta pula. 

Ndjendjela okwa fatulula ta ti ovanangeshefa vahapu moNamibia kave na oikwa noipangifo ya wana okukuta ovanailonga meyukililo notava nyengwa okuya meenghundafana nomahangano ovanailonga nokutula po omalandulafano ovanailonga, ta ti ovanangeshefa vahapu ova hala ashike okungeshefa vamone mo sha ndele opuwo. 

Ndjendjela okwa ti omahangano okukuta ovanailonga nao otaa longo naana ngaashi epangelo oshoyo ovanhu pauhandimwe tava yandje eetendela kwaavo tava dulu okulonga oilonga yonhumba. 

“Inda peefikola, oipangelo osho yo eembelewa depangelo kutya oto hange po omahangano opaumwene omaameni omaliko angapi? oshike itava tula po opolifi?, ndishi navo ngaho ovalongifa omutitatu? onghee ano omutitatu ita di po molwaashi epangelo nalo osho tali longo ngaho,” Ndjendjela tati. 

Ndjendjela okwa ti ongaovayandji voilonga eshi tava ningi po okukendabala ashike va wanife po oveta yokufuta ovanailonga ondjabi oyo ya tambulwa ko kepangelo ndele ongeenge nee tava dulu oku i futa osho ta ti itashi dengele molwaashi ova pewa yo oufemba opo ngeenge itava dulu okuwanifapo va lombwele epangelo pamushangwa. 

Okwa ti epangelo oli na oku va uda ko ngeenge va nyengwa nongeenge inali shi tambula ko otashi eta opo va k ufe ovanhu vamwe moilonga sho osho okuwete nee tashi kakala omukundu wakula kepangelo. 

-abbenghilai@gmail.com