Mariental- Ndango zodoropa zaMariental sikondovike, mokumudiworoka kweyigaruganena vatungimo modoropa ezi, awo kavatumbwirenye nzira zimwe ndi asi sitarata simwe nguuru gwanare gomukunda horowero gwaHardap ntani ministera gwanare gerongo Katrina Hanse –Himarwa.mureti ndi asi mukadi tupu, Mombudi zendi ezi kageve Ministeragona gonodoropa ntani ekuli nomukunda Evelyne Nawases-Tayele katente asi kufumadeka muntu gwangesi kuna kumoneka nawa nawa asi age kwarugana nokukondja asi arête malisinto movantu vetu meparu rwawo.
‘’ Katrina Hanse –Himarwa kapi gakere tupu asi mukadi kwara tupu, nye age kwakere mpitisili ntani gumwe gakondja, ogu gazagurura nzira zetu, yimo ngoso ana kutjangurura muna politika ogu katusigire.
Munapolitika kagwedereko asi ezuva eli kuna kara nye lyokudana kweyigarugana nakufa, eyi gatulisapo ntani kweyi yaza mosirugana momavango gokulisiga siga aga gakere age simpe muzuni. Age simpe katwikilireko: Asi mukaro gomuwa ngesi ogu vana rugana wondango zodoropa kuna kara simwe somutaro, morwa kuna lizi nye nezuva eli tuka kuyarekera mukwetu ogu komeho vtukamuhoreke. Nawases Tayele simpe katente eyi ana divako kovantu owo kavakerepo asi mwene ogu gatutura monaruwa ngesi yinke hambara agwane moyirugana yendi yoyiwa garugana mazuva gatatu tupu gana hupuko ngano tagwana nzapo zendi. ‘’ Mukaro gwendi gountu meparu kwakere gokugava sihonena moomu tupu gakara, posiruwo nye oso gakere asi kuna kuvera, gahundilirenge asi nikatantere womberewa zomahoroworo vawize vayamutjangese morwa nage ana hara kukahorowora momahoroworo gana kuwiza ,’’ ministeragona yimo ngoso ana kumufumadeka. Age simpe katente asi ediworoko lyendi eli kuna kuninkisa Hanse-Himarwa moomu gapira kukara noutjirwe akare nomukumo mokuyukilira owo ana liyuka nawo. ‘’ Pulisireninge nikapandure vanekoro omu vana valituramo, noyinka nayinye omu vakeverere nakufa ogu , yimo ana kutanta, Nawases –Tayele.
Mononkango dendi nguuru gwaHaradap, Salomon April katente asi nampili ngomu asi wondango zodoropa kuna karamu wovanzi wombunga politika zaLPM kapi yina horoak kwaHimarwa omu vamudiva asi age muNama parudi ntani muNamibia pasirongo. Yipo nye asi, LPM vahepa kuvapandura kweyi vana rugana morwa vamwe vakeremo kapi vayirugana. April simpe katwikilire asi nguuru gwanare ogu kwavatera vantu wovanzi meparu lyendi, omu vavaretera mema gokupita kopomba ntani vamwe vagwana noposa doyirugana donongwa. Mokutumbura nye sitarata kedina lyendi, kapi yina kara mulyo unene nye hansa etateko. Yimo ana kutanta.
Gumwe nage kahuyungire pelikwamo lyangesi, munasipundi gondango zovakansela womukunda gwaHardap Gershon Dausab katente asi omu novhura kutura muntu ana musigi vamudiworoke mwahepa kutjanga eparu lyendi, ntani nonzira mwahepa kuturamo edina lyendi rambangako nokomatungo gaaga. ‘’ Mbunga zaLPM hawe awo vana rugana oyo vana kumona asi mulyo unene, omu vana kara asi kuna kugazara ngano vature sididiliko kwava vavasiga womomukunda horowero gwina,’’ yimo ana kutanta.