OSHAKATI Ehangano lye-dhina Offshore Development Company nefufupiko ODC otali ka tunga omandiki gii-pindi pOkalongo, Oshakati nOtshikuku mokugwedha endiki ekwawo lyokapandi koomiliyuna 25 (N$25 million) ndyoka opo lya pu oku-tungwa mOngwediva. Omunambelewa omukulu-ntu e nasha niikwamaliko moODC, Simon Pokolo okwa kundaneke oshifo shika kutya omandiki giipindi ngoka taga ka tungwa oge li oonkambad-hala dhehangano lyawo, naa-shika otashi ka gwedha ko on-gushu kiilongomwa. Etungo lyendiki lyopaipindi mOsha-kati otali ka kutha po ompu-mbwe yaanafaalama yiilongo-mwa yopaunamapya pEtunda. Aanafaalama yokutekela iime-no pEtunda otaya ka mona ompito ombwanawa yiilongo-mwa yawo, oshoka enenedhi-ladhilo lyendiki ndika okukala niiyakulitho yokupungula iikulya niilongomwa yopauna-mapya. Aanafaalama oyendji pEtunda oya kala nokunyeny-eta kombinga yiilongomwa yawo ihayi landwa po koo-sitola nomaalaka gomoshilo-ngo, oshoka inayi longekid-hwa ya pwa tayi vulu okulo-ngithwa. Omolwonkalo ndjo-ka aanamapya oya kala noku-fala iilongomwa yawo okuza mOshitopolwa Omusati noku yi tuma koSouth Africa yi ka longekidhwe, opo yi vule okuliwa, nokonima otayi galukile ishewe moNamibia nokulandithwa kondilo. ODC okwa thaneka oku-tunga endiki pOtshikuku ndjo-ka tali ka tsa unene omuthindo okulonga iikwaplastika, oma-nga pOkalongo tapu ka tung-wa endiki li nasha nokupe-ndula po iiyetwapo yaanange-shefa aashona naamboka yopokati. “Tse otatu lalakanene iikwafambulika miitopolwa mbyoka ya liwa nale oshipu-ngo monakuziwa, mokweeta po iiyakulitho yi nasha noma-pendulopo gemona moondoo-lopa nomalukanda gayoolo-ka.” Pokolo ota ti Ongwediva oya kala nale ya talika ko ehala ewanawa lyokutunga omagu-mbo pwaa na okutala kompito yomatungo giiyakulitho yo-paipindi. Molwashoka Ongwediva ondoolopa tayi koko noonko-ndo nomu na oompito dhoma-pendulopo geliko nonka-lathano, Pokolo ota ti ODC oya hogolola okutunga endiki lyopaindi lyokapandi koomi-liyuna 25. Omunambelewa gOmakwatathano nOshig-wana mOngwediva, Andreas Uutoni ota ti endiki ndika olyo enene lya shiga ko mondoo-lopa ndjika, nolya gwedha ko kongushu yondoolopa. “Endiki lyopaipindi olya hokitha nokuhila aapunguli oyendji ye ye mondoolopa yetu notwa pandula noon-kondo oonkambadhala dhawo. Endiki olya eta po wo oompito dhiilonga kaantu yetu. Otwe ya tala ko (ODC) aanashi-pambu pamwe natse moma-pendulopo gondoolopa yetu. Onkee otandi indile aapunguli yalwe ya kuthe ko oshihole-lwa, oshoka tse otu na natango evi/omahala ga gwana ge nasha nomalalakano gomape-ndulopo gemona nonkalathano mOngwediva.” Endiki oli na omahala gokungeshefa ge li 40 oshowo omahala galwe ga gwana oku-tungwa sha shilwe. Omahala ngoka oge na nale ooyene, omanga pe na omusholon-dondo gwaamboka ya hala okungeshefela mo. Pethimbo ndika oongeshefa oontshona naadhoka dhopoka-ti ohadhi longele momahala ngaashi Shoprite, ombaanga Bank Windhoek, moosalona nsht. Uuministeli wIipindi nIi-kwafambulika ombelewa yawo yopashitopolwa nayo omo yi li momatungo ngaka, sho ya tembudhwa okuza kOndangwa. Shika osha ning-wa nelalakano okuhedhitha oombelewa dhepangelo pope-pi nenge moondoolopa mo-shitopolwa. Pokolo ota ti kutya ODC ina nyanyukilwa omukalo gwaanangeshefa yamwe inaya hala okwiitula mooprojeka dhokunduluka iilongomwa niinima opo yi vule okug-wedhwa ongushu. “Tse otwa hala okupendula po iikwafambulika ngaashi tashi vulika, kakele aantu oyendji oya hala ashike okwi-itula muunangeshefa mboka ye wete uupu kuyo nokwee-ndulula ashike iilonga yaya-kwawo. Aantu otaya egulula ashike oosalona, okulanditha iikulya oshowo oongeshefa dhoka oompu. Naashika osho sha etitha tu gandje omahala omashona gokulanditha mo-mandiki ngoka, kakele otwa hala okushilipaleka etanununo lyiilonga yuunangeshefa.” Endiki lyopaipindi mOng-wediva olya tungwa kehangano lya kza koGrootfontein lyedhina Dumpo Company nokwa li lya gandja iilonga kaantu 300. Endiki okwa thanekwa li ka patululwe pambelewa eti 4 Aguste kOmupresidende Hifi-kepunye Pohamba.