OSHAKATI-Ondoolopa yaShakati oya taalela eshongo lyiimuna tayi ende noku pashiyona mokati kondoolopa, oshinima shoka tashi vulu okueta iiponga.

Omugandji gomauyelele melelo lyondoolopa lyaShakati Katarina Kamari okwa ti, ngashingeyi elelo olya gwedhelea oshimaliwa okufutwa uuna iimuna ya mangwa po noku endhililwa moshigunda shaMuni. “Oshikombo oshina N$20 omanga ongombe yina N$30 mesiku. Otwa gwendhele ngaaka oshoka otwa ndhindhilike kutya ooyene yiimuna inaya itula mo okulitha iimuna yawo, Otuna aahingi yiimuna, mboka haya hingi mo iimuna mondoolopa, taya fala koshigunda shetu hoka iimuna hayi futilwa ko,” ta fatulula ngaaka.

Kamari okwa ti, natango oya gwedha ko komwaalu  gwaahingi yiimuna mondoolopa.

Ta ti, ondoolopa yaShakati oya ndhingolokwa komikunda, onkene imuna ohayi tondokele mondoolopa sho tayi kongo iikulya. Ta gweha po ta ti, oya kala noku kumagidha oshigwana shi kale aluhe tashi tala iimuna yasho opo kaayi thike moondoolopa ihe shika inashi pondola sha.

“Imuna tayi ende mondoolopa ohayi eta iiponga, shoka kaa shi li mondjila,” ta nyenyeta ngaaka.

Ooyene yiimuna yamwe ohaya uvu ko sho ta tuya lombwele, ihe oyendji oye na eyitaalo kutya opo ya kala nale haya lithile iimuna yawo. Otse tweya okutunga pomahala guulithilo wawo,” ta popi ngaaka.

Ta ti, mboka owuupyakandhi ya taalela nooyene yiimuna.

“Unene ota tu indile ooyene yiimuna ya longele kumwe nelelo lyondoolopa okuuva sho ta li ya kumagidha opo iiponga kaayi holoke.  vkaapanda@nepc.com.na

Oshakati osha dhingolokwa komikunda, niimuna hayi zi komikunda hoka ohayi taakana omalukanda, tayi ende sigo opondingandinga yomondoolopa.

Imuna oyindji ohayi monika uusiku nomutenya tayi taaguluka oopate, tayi li omapakete oshowo ikulya ya ekelwahi momatoto ge li mondoolopa.

Aakalimo yomOshakati oshowo aahingi yiihauto oya ti oya kala noku nyenyeta kelelo lyondooloa kutya iimuna ohayi tondokele moopate omanga taya hingi shoka shanika oshiponga.

Omuhingi gotakisi Martin Kamati okwa ti, mongaashingeyi oya itaala kutya ohaya topolelathana oopate niimuna.

 “Ota tu ningi ngiini ngele ota tu lopota kwaambonga yena okukandula po uupyakandhi mbuka, ihe kapu na shoka tashi ningwa po,” ta nyenyeta ngaaka.

Kamati ta ti, otaya indile ashike ooyene yiimuna ya kale taya kongolola iimuna ya wo.

Ta ti, unene ethimbo lyuusiku ohashi kala shanika oshiponga.

“Otatu ka kanitha oomwenyo ndhetu. Ha atuhe hatu monoko nawa uusiku,” ta ti ngaaka.