Omukainhu womukwashiwana waAngola okwa faduka po konima eshi a pulumuna ndele vati ta kupulashi okaana kaye melambo lomeva onyata.
Oshiningwanima eshi osha ningwa mexuliloshivike komukunda Ongha moshitukulwa shaHangwena.
Omupopliko wopolifi moshitukulwa shaHangwena Warrant Andreas Nghiyolwa okwa hokolola ta ti omukainhu ou okwa li a kutwa meumbo ongaa omunailonga wokutonatela nounona.
Ota ku hokololwa kutya ovaneumbo ova mona ashike omufekelwa ou ehe na vali eteelelo.
Opolifi oya hokolola tai ti omukainhu ou okwa ningilwa omapulapulo kovaneumbo vaye, ashike okwa faduka po konima eshi a ningilwa omapulapulo.
Opolifi oya ti efiku landulako ovaneumbo ova ka uda edimba ta li di kelambo lomeva onyata, naashi va ya ko ova hanga olutu lokahanana la tulwa mondjato.
Ovaneumbo ova lopotela opolifi ashike fiyo opapa ka pena ouyelele kutya omukainhu ou oku li peni.
Opolifi otai indile moshiwana kwau e na ouyelele kombinga yomufekelwa ou opo oshiwana shi lopotele opolifi keshe i li popepi.
Ota ku fekelwa kutya pamwe omufekelwa ou oku li kOshikango ile a shuna koshilongo shavo.
Opolifi oya kumaida ovakainhu opo va kale tava kwatafana novaxungimwenyo ngeenge tava hepekwa koupyakadi wopamadilaadilo molwashi okukupulashi okaana ka kushi e kandulepo lomukundu.
Caption: Akutu… Okaana ka kupulwashi melambo lomeva onyata