OPUWO– Ovasembamise vomaraisiro wovimemua wa Puwo nai ngeri mombura oitjatatu mavetja oyo yero kovipato mayekara okuza tjiyeri 26 nganduu 31 komueze imbui.
Otjiuru tjOmekurisiro wOmbuiko nOvitjitua Viovariange motjihuro tja Puwo, Victoria Haihambo, eye wina nguri otjiuru tjokomiti osembamise womaraisiro inga, matja ozondanda azehe o 116 ndaripo nai zavarekua.
Waraerere onganda yozombuze ya Namibia indji o Namibian Press Agency, ousupi o Nampa, kutja tjikueya komanjanukisiro omaraisiro inga tjingetjo yeno nguizikiro tjinga vovanjanukise va Namibia hambondatu ondomba avakuizikirua omaraisiro inga.
Ovanjanukise imba omberi Lady May, Diop Katuuo, T-Bozz na Staika, Mushe, Ongoro Nomundu, Lettie, Ben Mutjangatjike Muundjua na Frieda Haindaka.
Tjingetjo mapekara omayantero wozombaze iyovasukona motjirarakaneno ihi tjomusukona omuwa muwa womaraisiro inga.
Haihambo matja ombura aihe omaraisiro inga yepuirako naweza ko kutja ombura indji pendje nozombongarero zondjivisiro, omaraisiro nondjivisiro yovirandisiwa, wina mapekara ovandisa yovinamuinjo.
Ovasuvere venjando rozongomi tjingetjo wina mavenjanukisiwa iyovimbumba okuza kOtjomuise mbimaviundjirua ko okuyetera ovatone vozongomi viazo va katjoruhonga.
Movimbumba imbi muna Ookugo ya Harry Simon, Orupa rOporise, rOvita notjimbumba tjozongomi ihi o Warriors.
Embo ehongonekua romaraisiro wombura indji o ™Henununa Oukaiya nu Upaturure Omuvero∫.
Ombura ndjazuko komaraisiro wa Puwo kueya ovariange ape o 5000 tjeri otjivarero ombura indji ovasembamise tjimaveundjire ko okuyeruruka povikando vivari. (NAMPA)