I Kae Matundu-Tjiparuro
OTJOMUISE- Ombara Otjitambi yOvaherero, omuyaruke Kuaima Riruako, masuvisiwa petjo rozombanÿe romuhoko mOkahandja, Osondaha, omayuva tjiyeri 29 ku Ngarano.
Ombara Otjitambi ingui wozongaku omakura omuyanua naina ketjipo rukuao! Ouye watemua, omuhoko waingama, omueze eyuva ndaire tjandje werikutjire. Ngamba ouye, nu tjinene nene omuhoko we mbuvaende pamue omayuva nondjara, onyota, momutenya, mombura namombepera, owo nai mbuasana ayo warire ozonyanda nÿapandjarisa omurise, oserekaze ndjahepunda novanatja mbasewa ososewa. Omandaha tjiyari yevari komueze imbi ape moine yomapeta, Ombara otjiyamanene ouyenda wayo mouye imbui ape oiri nao kombunda yotjiuru tjehi, Hifikepunye Pohamba, tjazire noku kemuvarura monamiti yombongo indji Okatorika mondivitivi yotjihuro tja Tjomuise, eye mahingire nouvere ape kombanda yomueze nao tjaza nokuyakurua monamiti indji tjiyari 26 ku Kozonjanga, omayuva yevari kombunda yomazemburukiro weyuva re ronguatero, ndirira 24 ku Kozonjanga. Eye tjandje wazu nokutjita ozombura o 79.
Otjotjiri eye wari ombara mena rokutja kapena poøa kapeya njingajinga otjiøa kutja omouparanga wa Namibia orini omiriro puviayayaka nokutema kangamua poøa puperarera ovahungire veraka rOtjiherero nganduu komauye wopendje epaha ratjiute ngamba kurarimbara indi nganda rarimbarere tjirarimbarisiwa iyondjembo ya Katjivitjouanga nganduu kundinondi kura karimbasirisiwa iyezumo. O America ka America, Ehi ra Kakazona konokuhungira, Orovandoitji, o South Africa, Otjauana o Cameruna wina Ombara oyo kuiina ozondekurona zepaha indi, omiriro viayaka nandarire kutja komauye tjiva ingo ngahino kakuyaka omiriro.
Posia omuriro imbo omunene wayaka mOtjomuise pokomando yerapi rOtjiserandu epaha purautire okuworongana okuza ko Mandaha Ombara tjiyawire. Muiimba mbeere po komando otjiveke ihi okuye kuraisa oruhoze ruao yari otjiuru tjehi Hifikepunye Pohamba, nguari puno serekaze ye, Penehupifo; o Ministera Ondenga, Onongo Hage Geingoba; Omuhaamise wOmbongarero yOtjiwaøa, Onongo Theo-Ben Guriraba, noserekaze ye,Joan Gurirasa; omutue wondanga mezuko wotjira tjo Swapo mOmbongarero yOtjiwaøa, Onongo Peter Katjavivi nOministera yOupue Mozombanguriro, Utoni Nujoma. Pokomando nai papaturukire embo roruhoze auhe mumayenene momatjangua okutjanga mo embo re roruhoze tjeri otjina Otjiuru Tjehi tjitjatire.
Pohamba watjere eye wapandjarisa epanga re roposengo. ™Tjiri meihamua mena rokutja erero (Omandaha) oruveze tjingero ami mbakahakaenene nepanga randje Ombara Kuaima Riruako monamiti. Tjitjendjinjaikisa omutima okoo kutja ape kombunda yoiri eye otjetuesire. Ami mberipurire kutja okutja eye aa undju ami kutja mbikemuvirikize?∫, Pohamba eye tjiri nguari aau momuinjo wapurire nai Oritjavari. Wawezere ko kutja eye wapupurukua momuinjo kutja wekemumuine nandarire kutja yari oruveze orusupi.
Nganduu Ombara Otjitambi tjimai kozombara ozonguao kOkahandja Oritjatano tjiyeri 27 komueze imbui, omayuva inga ayehe otjiwaøa apehe putjiri matjikara moruhoze pomiriro viatjo, nu mOtjomuise tjiri pokomando yErapi rOtjiserandu, ndjiro okomando oitjavari. Omayuva tjiyakarira 20 komueze tjingewo otjimai kOmongua kumakayata ko Toasisa oyo ngari omaturiro wOmbara Otjitambi yOvaherero, Hosea Kutako. Wina otja tjimapetjiukua o Toasisa wina ongumbiro yOvaherero tjinga aeri Ombara Otjitambi omuyaruke Riruako aeri pona paa hararere ouriri nanguari wina paa ungurire nokurangerera momayandero nomautiro wombura aihe tjinga aatuara omuhoko ingo oku karangerua iyondangere omuyaruke Katjiritja Mungendje nawina puna omuhoko oruveze tjigero paayaruka okutara moviungura viomuhoko viombura, ozombutarero zatjo nawina okuka ondjira komurungu viombura ombe. Pendje na nao wina o Toasisa tjiyenda amatjirire etjo rozombangaøe zomuhoko tjinga nai wina amuapakua omuporise wotjiwaøa norata youhonapare wombazu wOvaherero momongua kehi yomuhona Bethold Tjiundje, Majora Kazeurua.
Momongua Ombara Otjitambi makarara pomuvanda wao wotji Kuaima mOtjongombe ngunda aehiyakotoka mOtjomuise pumayeye kukara nondjozikiro kotjiveta yohoromende pOtjikunino tjOndjuwo yOzoveta tjiyeri 26 komueze imbui Ngarano. Okuza tjiyeri 27 otjimai kOkahandja oure womayuva yevari kumakukara ondjozikiro ngunda aehiyasuvisiwa puna ozombara ozongua nÿakongorera, Clemence Kapuuo na Hosea KuÞako.