Ouministeli woikwamina nohamooli oweya po nomulandu upe unasha neyandjo leembapila dokulandifa omahooli.
Omilandu dipe ode yapo konima eshi ovakwashiwana vamwe vali kwa dilikwa tava landifa eembapila dokulandifa omahooli shiheli paveta.
Omunambelewa omukulunhu moumisteli woikwamina Bryan Eiseb okwa ti ouministeli owa eta po omilandu dipe, doku yandja eembapila doufemba wokulonga nakeshe tuu eshi shili moshikondo shomahooli noikwamina.
Eshi vati osha ningwa shaashi ouministeli owa hala oku yandja omakwafo aa taa hafifa oshiwana efimbo alishe.
Okwa ti eedula dakapita ouminsteli owa kala hau yandje eembapila domaufemba a nyama koikwamina momikalo dili mbali hadi ufwana Mining Rights oshoyo Upstream petroleum licenses ili koshi yolicensing system. Omikalo edi vati oda talika ko dihena eenghono nawa unene tuu ngeenge tashiya peedjo, oshoyo omahooli aa tadidilikwa menheele dihapu paife.
“Eedjo edi oda etifa ovanhu vahapu peife vakale nokuli shangifa, opo va dule oku pewa epitikilo leembapila dokulandifa eedjo davo va manguluka,” Eiseb ta ti.
Eembapila doku li shangifa opo ovanhu va dule oku pewa epitikilo loku landifa eedjo davo, vati oda ninga dihapu unene, noha shi imbi ovanambelewa va ende kashona mokuendulula nawa emembapila edi hadi kala deya mo tete. Eshi vati oha shietifa oinima ikale yandubala ili mumwe ina ipwa oku longwa pefimbo.
Omulandu ou mupe paife otau ka pitika ashike ovanhu va yadeke eembapila dokupewa oufemba wokulandifa oikwamina efimbo limwe alike, opo ashike tashi dulu okupa ovanambelwa efimbo lawana okulonga needokumende adishe nawa nefimbo.
Eshi vati otashi ka dengela ashike kwaava opo tava kongo eembapila lowetete, ndele hakwaava tava ningululifa dimwe dipe. Natango vati omukalo ou ita uka kakufa po omifindalandu da tulwa po kekotamhango laNamibia ngeenge tashi ya pokuyandja eembapila domaufemba okulandifa omahooli.
Omukalo ukulu ou wakala po vati otau kalongwa nao fiyo omo 31 Desemba, nokudja opo omifinda landu dipe otadi kandengela okudja mo 1 Apilili 2024.