Erastus Ndawedapo 

RUACANA – Ovanafikola kosekundofikola Ruacana High School ova fiwa pomutenya konima eshi komuhandjofikola wavo kwa pya eenduda nee dokunangala mwa kwatelwa omatalashe, omambo noidjalomwa yavo. 

Inapa lopotwa omunafikola a monena oshiponga momundilo ile a xulifa. 

Omukulunhuwiliki wehongo moshitukulwa shaMusati Paulus Kashiimbi okwa koleka oshiningwanima eshi ta ti komuhandjo okwa haka omundilo mexuliloshivike. 

Okwa yelifa ta ti fiyo opapa kape na ouyelele kombinga yoshietifi shomundilo ou. 

Okwa ti ombelewa yaye otai ka ninga omalongekido okukwafa ovanaf ikola ovo va kanifa oidjalomwa yavo nomatalashe. 

“Ohatu ka tuma omatalashe 52 kofikola opo ovanafikola va dule okulongifa omatalashe shaashi itashi ulike efano liwa ngeenge omunafikola ta nangala pedu,” ta ti. 

Okwa weda po ta ti ovanafikola otava ka longifa eenduda komihandjo dimwepo molwaashi ovanafikola vamwe ova dja komakule. 

“Ohandi ka shangela omukanda kombelewa yaminista opo tuyambididwe noshimaliwa shokulongulula eenduda da pya po,” ta ti. 

Okwa kumaida ovanafikola opo va ngungumane nokutwikila nelitulemo moinyangadalwa yavo yofikola. 

Ngoloneya woshitukulwa shaMusati Erginus Endjala, onghela okwa talela po ofikola Ruacana nelalakano lokukundafana nghene ovanafikola tava ka yambididwa. 

Omunafikola Maria Hitilwa okwa kumaida ovanafikola vakwao opo va xulife po okuxwikila eembapila momihandjofikola molwaashi osha nyika oshiponga. 

Okwa ti pefimbo loshiponga shomundilo ova kendabala okutila omundilo omeva nelalakano okukelela opo uha tandevele nomuhandjo aushe. 

*Erastus Ndawedapo omunambelewa wouyelele koministeli wouyelele, omakwatafano nomaungomba koshitukulwa shaMusati.