‘Okwa fifa nge ohoni – nda li nda hala oku mu dipaa’
OHANGWENA – Okwa li nda hala okudipaa omuhongifikola mukwetu shaashi okwa lopota nge kutya onda vaka ko oshimaliwa shomukulunhufikola kongodi yaye. Okwa lengifa nge eshi a lopota nge komulunhufikola.
Aa omatumbulo aaFransina Mwetufa weedula (30) ta popi pefimbo a holoka momhangu.
Mwetufa okwa pewa ehandukilo leedula 13 modolongo komhangu yaHangwena Omaandaxa.
Okwa monika ondjo eshi a kengelela – a kala ta longo ofikola nodjapo yoipupulu, eshi a vaka oshimaliwa mombelewa yomukulunhu fikola sheeN$6500 noshoyo onghendabala yedipao, omo kwa li a twa nombele omuhongifikola pamwe naye.
Omukainhu ou natango oku na oibofa inai pwa, oyo yakwatela mo shekengelelo.
Mwatufa okwa li ta longele kofikola i li koshitukulwa shaHangwena ofikola Limbadungila Combined School.
Ota ku hokololwa kutya omukainhu ou okwa uudifa oilonga nodjapo yoHonours Degree ta ti kutya oku na ouhongelwe wokulonga eedondo dopetameko ashike mboli oipupulu kena sha shi li odja po yokulonga ofikola.
Ota ku hokololwa kutya Mwetufa okwa futwa kepangelo oshimaliwa shi fike peeN$620 000 okudja omudo 2019 fiyo 2021 moule wefimbo olo kwa li ta longo ofikola nodjapo yoipupulu.
Natango, ota ku hokololwa kutya Mwetufa ou okwa yoo vali a lopotwa kopolifi koshitukulwa shaShana konima eshi kwa li ta kandabala okutula ovanhu mokatoo ta landifa otuwa yoipupulu ina omikanda dombaanga dihe shi do shili.