Auleria Wakudumo

Omupresidente Netumbo Nandi- Ndaitwah okwa holola olupandu laye kongudu yetanga loomeme lyaNamibia, Brave Gladiators eshi ya findana po ekopi loCosafa 2025. 

Namibia okwa findana po ekopi loCosafa eshi a denga South Africa mbali muimwe. 

Eshi oshi li oshikando shotete ongudu yoomeme tai vena ekopi loCosafa. 

Nandi- Ndaitwah okwa ti efindano lavo otali holola eyambulepo loudano moshilongo. 

Omupresidente okwa pandula ovadani, novayambididi aveshe eshi veli humbata nawa momukokomoko woudano ou. 

Omupresidente okwa ifana ovadani onghela keumbo lepangelo oko a holola olupandu kuvo. 

“Efindano eli otali tu omukumo ovaholi voudano vahapu moshilongo opo ve litule mo momaifano avo. 

Eshi otashi holola yo ondjila ile oyo ovadani va enda nokuhasholola fiyo okefindano,” Omupresidente ta holola ngaho. 

Pefimbo ta pandula ovadani, Nandi- Ndaitwah okwa holola yo kutya okwa li a fuuka eshi ovadani va denga Zambia moudano oo tuu oo. 

Okwa ti eshi otashi holola kutya etanga otali ende tali uka pombada moshilongo notali eta vahapu va kale tava kufa ombinga nokuninga omafiyafanepo moudano. 

Omupresidente okwa holola kutya epangelo otali twikile okuyambula po omaudano. 

Presidente okwa denga omufindo mexumokomesho lovanyasha, oku va ndungika noku va pa owino nokuyambula po oupale moNamibia. 

“Elitulemo la tya ngaho otali kwafa yo opo oitalendi yavo i ye pombada nokukwashilipaleka kutya Namibia ota twikile okufindana muAfrica osho yo mounyuniaushekoonono,” Omupresidente ta holola ngaho. 

Omanga ovadani va li natango moSouth Africa, omupresidente okwa dengela ongodi omukwateli komesho yongudu yetanga Lovisa Mulunga opo a holole olupandu paumwene eshi Namibia a vena. 

-awakudumo@nepc.com.na