Mengestrata Jozanne Klazen okwa ti omukadona weedula 19 Teresia Mweshininga, a shiivika nawa nedina Ndalila okwa pitikwa paveta opo omutamanekwa a kale a tembuka mo meumbo lavo konima eshi kwa li a denga inakulu nokumutuka Etitano komukunda Oshuungu moshitukulwa shaMusati.
Ndalila okwa pewa obooloha yoN$500 kumengestrata Klazen konima eshi kwa li a kwatwa po Olomakaya keumbo lavo eshi a denga inakulu ndele te mu undulile momiti deumbo.
Omutamekwa ota pangulilwa oshibofa shomahepeko omomaumbo eshi a denga nokulumata inakulu.
Mengestrata okwa londwela Ndalila opo aha kale mekwatafano nainakulu fiyo omhangu tai mane okuninga omakonakono.
Omutamanekwa ina pitikwa okulonga oilonga youshada ya faafana naashi a longa shokudegwa inakulu.
Mengestrata okwa ti Ndalila ngeenge okwa dopa oku liufa komalombwelo oo a lombwelwa komhangu ota ka kwatwa po kopolifi meendelelo.
Omutamanekwa okwa pitikwa opo a kaleke po oule woshinano 10km pokati kavo nainakulu ou e li oshihakanwa.
Ovakulunhu va Ndalila ova pitika opo okaana kavo ka kale taka di kuina mumwaina waina kOshakati opo a kale ta ka mono exungumwenyo.
Pefimbo Ndalila ta denge inakulu efimbo longula xe yaNdalila okwa kwata okavidio eshi kwa li a tala okaana kaye taka denge ina, ou eli oye inakulu yaNdalila fiyo okavidio ta ka yandjenekwa komalungula.
Naashi osha eta opo ouyelele u kale wa fika kopolifi fiyo Ndalila ta kwatwa po.
Oshibofa shaNdalila osha undulilwa komafiku 05 aMei 2022, omanga ta kuningwa omakonakono.