Auleria Wakudumo 

Ouminsteli woikwamina, oikwanghono noindulukomwa owa holola kutya ondado yomahooli otai ka shuna pedu okudja mEtitatu lomafiku 2 Apilili neudo. 

Ouyelele wa dja kouministeli owa holola kutya omahooli opetolola otaa ka shuna pedu neesenda 50 moliitela imwe, omanga omahooli odiisela taa ka shuna pedu neesenda 80 moliitela. 

Omahooli moWalvis Bay otaa ka kala e na ondado ipe tai shikula. 

Omahooli opetolola otaa ka kala poN$20.67 moliitela omanga odiisela mo50 ppm taa ka kala poN$20.62. 

Omahooli odiisela mo10 ppm taa ka kosha ongushu yoshimaliwa shi fike poN$20.72. 

Ouministeli owa ti omahooli otaa ka kala e na ondado ya shuna pedu moitukulwa imwe yoshilongo. 

Ondado yomahooli opetolola osho yo odisela okwa li ya londa noifilinga itano omwedi wa dja ko. 

Omahooli okwa li a wedelwa shaashi oshimaliwa shomafendelo omeendjila osha li nasho sha wedelwa neefilinga mbali osho sha fininika oishoshela i ye pombada. 

Paife, ouministeli owa holola kutya owa didilika omwaalu wa pitilila momahooli. 

Ouyelele wa yandjwa kouministeli owa yelifa kutya owa mona eesenda o58.77 moliitela yopetolola, eesenda 82.88 moliitela yo50ppm yodisela omanga mo10ppm odisela, ya mona eesenda 91.07 molitela imwe.