New Era Newspaper

MTC Shares
Icon Collap
...
Home / A dengwa kohonda yaye fiyo omefyo

A dengwa kohonda yaye fiyo omefyo

2021-09-13  Festus Hamalwa

A dengwa kohonda yaye fiyo omefyo
Top of a Page

Omukainhu weedula 26 okwa fya eshi a dengwa kohonda yaye Etine potundi 04h40 keengulasha molukanda Kuisebmond, modoolopa yaWalvis Bay.

Nakufya otaku hokolololwa a dipawa shaashi vati a li moihulo nomulumhenu wumwe. Nakufya Frontina Ndiyaamwa Ndemulunda, omunailonga mehangano loHangana Seafood moWalvis Bay.

Omupopiliko wopolifi moshitukulwa Erongo Inspector Ileni Shapumba okwa hokolola ta ti nakufya okwa fika meumbo efimbo longula a dja koilonga, nokwahanga omufekelwa eli monduda a nangala.

Shapumba okwa ti omufekelwa okwa tameka eenangu nohonda yaye ta ti  omukainhu waye okwa ya moixulo nomulumenhu umwe. Opolifi oya ti omufekelwa okwa undilila nakufya pondje opo vati a dje mo meumbo laye. Shapumbu okwa hokolola kutya konima eshi nakufya aanyena mo meumbo, omufekelwa okwemu ponokela nomanghava moshipala.

Konima yokumudenga, omufekelwa okwa kufa ohamala koshiyombete yava nokumudenga momutwe.

Nakufya okwa wila pedu nokuxulifa efimbo olo tuu olo.

Konima yoshiningwanima, omufekelwa okweli yandya yemwene kopolifi yo Narraville. Olutu laNdemulunda ola twalwa kokila yoshipangelo shaWalvis Bay, novakwapata vaye ova shiivifilwa efyo laye.

Omufekelwa (29) ota tamanekwa oshibofa shedipao.

Shapumba okwa kunghulila oshiwana opo shixulife po okuningila ovanhu omahepekafano momaumbo, yee ta ti omakonakono opolifi otaa twikile.

fhamalwa@nepc.com.na


2021-09-13  Festus Hamalwa

Share on social media
Bottom of a page