ONGWEDIVA- Maria Iyambo, omulongipangi moshiputudhilo shaUnam mOshakati, okwali asi ohenda noku gandja ooshako mpoka ta vulu kaanegumbo yamwe moshitukulwa shaShikoto mboka ya li ya pilwa iilya. 

Egumbo lyaFarres Ambata olya li ya thigwa pomutenya, sho omalaka gomulilo gazi kaandja mushiinda ga laalele noku hanagula po oshipale she. Iilya ayihe mbyoka ya longo nuumvo oya li ya hanagulwa po thiluthilu. 
Iyambo okwa gandja ekwatho lyoshako mbali dhiilya dho 50kg, oshiwike sha ziko.

Kansela gwoshikandjohogololo shoka Iyambo Indongo okwa ti, okwali a katala ko ooshako dhoka komukunda Embandu-Uukwangula, kegumbo Iyambo ete dhi fala kegumbo ndyoka lya pilwa iilya, oshiwike sha zi ko. “Sho ndali nda monathana naakwanezimo mboka, otaya ulike yeli monkalo ohwepo omolwa omakwatho omashona ya kala taya mono okuza kaashinda oshowo kookuume,” Indongo ta ti ngaaka. Ta indile natango oshigwana ta ti, kehe ngoka natango ta vulu oku gandja shoka e na po okwa manguluka okuthika poombela dhawo mOnayena. Iyambo okwa hiya kehe ngoka ta vulu okukwatha naa shoka e na po, okwa manguluka okugandjela pamwe nongundulwiimbo tayi ithanwa Episalom ndjoka tayi ka gandja omakwatho gawo momasiku 04 Juli.

Ongundu ndjoka otayi kagandja omakwatho gawo, ya landula omwiimbi pamwe nayo, a za megu ndoka. Omulilo ngoka ogwa li gwa ziilile puushinda, gwa kunkula kooha dhondhalate sigo gwa thiki moshihawawa moka iilya ya li ya tentekwa.
Aakwanezimo oyali ya koleke kutya omulilo inagu etwa kaanona ngaashi tashi popiwa komalungula, ihe omulilo okwa li gwa temwa kaanegumbo sho kwa li taya fike iiyagaya konima sho ya mana oku opaleke egumbo lyawo, ethimbo lyomutenya.  
Oyali ya hokolele Kundana kutya oya uvu nayi, oshoka oya li ya longa iilya oyindji nuumvo, no yali ye na omukumo kutya nuumvo ondjala kaye yi shi, oshoka omuvo gwa yi ka kwali ku na omuloka omwanawa, onkene ka kwali ya likola sha.  
Oya gwedhapo kutya kayena sho ya thigalapo nasho, iilya ayihe oya pya po thiluthilu. Ta ti natango otaya pumbwa ekwatho.