Opolisi moshitopolwa shaMusati oya mangapo aalumentu yeli yaali yomimvo 64 shoya a dhika nuupakate wuna iingangamithi yongushu yi vule N$ 30 000 Etine lya ziko.

Omukuluntu gwopolisi moshitopolwa shaMusati okwa ti, aalumentu mboka okwali ya mangwa sho kwali ya adhika taya landitha okapakete ke na iingangamithi yondjundo yithike 50kg momukunda Otjihitwa momudhingoloko gwaNesi.
Aalumentu ayehe oye na omimvo 64, gumwe okwa yambukile moAngola moCalueque, omanga gumwe Omumambia gwomomukunda  Otjihikwa mOnesi.

Moshiningwanima inaashi faathana nashikwao, okanona komimvo hamano oka si sho kalyatwa koshihauto momukunda Onampira mopate onene, pokati kOshakati nOshikuku. “Okanona hoka okali ka tondokele mopate, sho kwali taya ende kooha dhopate nayakwawo yeli yatatu. Omuhingi ngoka kwali ta hingo ohauto yepangelo sho a kathikama okanona okwe ka lyata nale. Okanona oka sile poshiponga opo tuu mpoka,” Shikongo ta ti ngaaka.

Oshiningwanima osha holoka mOlyomakaya ga zi ko, potundi 18h25 moshitopolwa shaMusati.
Oka tongololwa nedhina Atanasius Kalimbo ka yambukile momukunda Okaana, nohaka hiti osikola pOnampira Combined. Aakwanezimo oya tseyithilwa, nomakonakono gwopolisi ogeli metifa.