RUNDU – Ompangulilo yaMagestrata moRundu oya tindile aakwiita yoNamibian Defence Force eifutilomo mondholongo sho anuwa ya ningi uukongo kaawu li pavete moshikunino shiinamweyo shoMangetti National Park moshitopolwa shaKavango West.

Aakwiita mbaka yatatu oyali ya kwatelwa moshikunino shiinamwenyo moka anuwa ya dhipaga oholongo, ombambambi nokapundja. 

Anuwa mbaka oyali ya adhika nooshako dhoondhingu kaanambelewa yomoshikunino. Konima yoku kwatwa po, omupopiliko wuuministeli womindhingonoko Romeo Muyunda okwa ti aafekelwa oya adhika nonyama yi na ongushu yoN$22 450, notaku fekelwa aakwiita mbaka ya longitha oondjembo dhawo dhiilonga oku dhipaga iinamwenyo.

Anuwa oya kukutike wo noku ninga oombilitongo nonyama yiiyamakuti mbyoka. 

Aatamanekwa ayehe aalumentu ye na oomvula 28, 37 no40. Ayehe oye li iilyo yoNDF taya longele koMangetti National Park hoka ya tulwa yaka lwithe uukongo waali paveta. 

Aafekelwa oyo David Aishe, Richard Kasoma naPaulus lipinge, noya holoka nena komeho yomupanguli Sonia Samupofu, moRundu ngoka a undulile oshipotha shawo komasiku 7 Mei hoka taya ka vula oku ninga eindilo lyeifutilomo. 

-jmuyamba@nepc.com.na

Caption: ‘Aakongo’… David Aishe, Richard Kasoma naPaulus lipinge oya holoka mompangulilo. 

Photo: John Muyamba