Aanafaalama oyendji monooli oye na omukumo gomuloka omuwanawa.

Lucia Shimpanda gomomukunda Onaanda okwa ti nonando omvula ya shashimina, oye li natango metegelelo lyomvula onene.

“Natango okuyele, itatu vulu okukwatwa komalimbililo ngele kaku na omuloka omunawa nuumvo, ihe omukumo opo gu lil,” ta popi ngaaka.

Ta ti, egulu otali ulike nawa, otali tu pe omukumo omuwanawa, oshowo kiitopolwa yimwe hoka twa kundana kwa lokwa nawa nonando nayo inaya tameka okukwata omafuma.

“Omvula yokutameka okulonga momapya ondjoka yomafuma taga zimi, “ ta popi ngaaka.

Shimpanda okwa ti oya tala wala koshipala shaPamba. Titus Shigwedha gokOmpundja okwati  otaka longitha ethimbo lyahupako.

‘Ngele okwazi omvula momasiku twa taalela, embakumbaku otali tameke okulila,” ta popi ngaaka. Ta ti, oku wete kutya omvula nuumvo oko yili, no ngele oshakeenda nayi otaya shi tambulako ngaashi shili. Shigwedha okwati okwa ilongekidhila omvula ya landulako omasiku ngaka.

Omunafaalama gomepya Kauna Stevanus okwati, kena nando omukumo nuumvo.

“Omimvo dha piti, oya kala taya thiki mo kili yena iilya, ihe sigo impaka inaku lokwa omvula tayi gandja omukumo,”ta popo ngaaka.

Tati ota tegelele sigo omvo taguya  opo otameke okulonga epya lye.