New Era Newspaper

New Era Epaper
Icon Collap
...
Home / Channel 7 ya gwanitha omimvo 19

Channel 7 ya gwanitha omimvo 19

2023-03-28  Victoria Kaapanda

Channel 7 ya gwanitha omimvo 19

Oradio yopambepo yoChannel 7 Etine lya zi ko oya tyapula nokudhimbulukwa evalo lyayo sho ya gwanitha omimvo 19.

Esiku ndika ohali dhimbulukiwa omumvo kehe momaiku momasiku 23 gaMaalitsa.

Omukuluntu gworadio ndjoka monooli Renathe Shivolo esiku ndyoka okwa li a pandula nokuholola euvonawa lyaayambidhidhi mboka ya li ya gandja omakwatho ga yooloka opo ya vule okutyapula esiku lyawo lya simana.

“Otwa li twa ningi omayindilo komahangano ga yooloka, opo ga vule oku tu yambidhidha mpoka taga vulu, opo tu vule okutyapula esiku lyevalo lyoradio yetu,’’ ta fatulula ngaaka.

Omahangano ngoka kwa li ga yambidhidha ongaashi Mega Mart Ongwediva, Pupkewitz Nissan Oshakati, Freshco Oshakati,  Tuli’s Fair Deal oshowo Provider Deco Hire and Events Cc. Shivolo okwa ti esiku ndyoka olyo kwali oradio yawo ya li ya totwa po, no sha simana okupandula Pamba oshowo aanilonga yawo okuyihumitha komeho opo yi tsikile okutaandeleka ondjovo yOmuwa.

Ta ti, oradio ndyoka ohayi popi omalaka gaali Oshiwambo noshi Afrikaans.

“Elaka lyoAfrikaans ohali uvike esiku alihe oowili adhihe 24, omanga oshiwambo hashi uvike oowili dhili ashike ne, okuza pohamano yokomatango sigo omulongo guusiku,” ta ti ngaaka. Ta gwedha po kutya oradio yoshiwambo sho ya tameke okwali hayi uvika ashike oowili mbali. Shivolo okwa fatulula kutya oChannel 7 oradio oyo paumwene no hayi longo oshimaliwa shayo yene opo yi vule okutsikila okuuvika mombepo.

“Otuna ooproyeka dha yooloka ndhoka hatu ningi opo tu vule okukuthamo oshimaliwa. Shoka ohatu shi ningi  neyambindhindho okuza moshigwana,” ta popi ngaaka.

Ta ti, Oshiwambo ohashi ovuka moondolopa ndhili 12.  Tagwedhapo ta ti otaya tsikile okulonga nuudhiginini opo ya tsikile okutula omakuthithi koondolopa hoka inaaga thika natango. Ta popi oyendji inaya koneke kutya oChannel 7 oya gama peni monooli.

vkaapanda@nepc.com.na

“Ombelewa dhetu odhili pomtungo goAdvanced Centre mOshakati manga ino adha pOshali Complex,” ta popi ngaaka.

Shivolo okwa hiya kehe ngoka ena ehalo lyoku yatalela po opo yathike poombelewa dhawo. vkaapanda@nepc.com.na

 


2023-03-28  Victoria Kaapanda

Share on social media