Victoria Kaapanda
ONGWEDIVA-Aihe oya li pomahala sho omulumentu omugundjuka Leo Kasheeta a tseyika nawa nedhina lyoku imba Chris Morgan sho a li a tseyitha noku ulika oalbuma ye yotango, Etine lya zi ko.
“Oalbuma yandje tayi ithanwa Twenty One Four, Ndeyi lukile omwamememati ngoka a li ahulitha ko omuvo 2014, no kwali nda tokola oku mu lukila oalbuma yandje yotango oshoka pamukalo ngoka ondi wete nde mu simaneka no nde mu koneka moka lindeli kandje”, Christ Morgan a ti.
Omuhikingalo nguno okwali a lombwele kundana tati ye omuhikingalo gwoHip oshowo RnB. Oalbuma ye oyi na oongalo dhili 12 no kwali a kwathelwa kaahikingalo ya yoloka.
Ta gwedha po ta ti osha li ondjila onde lela opo a mane oalbuma ye ndjoka, no shali she mupula uusiku owindji ina kotha, ta kondjo opo a mane oongalo dhe adhihe 12.
Tati oalbuma ye otayi adhika wo komalungula ngaashi spotify, itunes, amazon, deezer, tidal oshowo google play. Ngoka a hala okaCd ko yene na dhenge konomola 081 3521 152 kongushu N$ 150, ota vulu wo oku monika komalungula ngaashi facebook, twitter, instagram, youtube nedhina Christ Morgan convoy.
Christ Morgan okwali a nyanyukwa sho aaholi yoongalo dhe yomoshilongo naasapoti ye ya holoke mengathithi enene, noku nyanyukwe pamwe, moku ulika noku tseyitha oalbuma ye ndjoka a ti oyo yimwe tayi ka kala ya dhenga mbanda mefudho ndika oshowo momukomoko gomvula tayi ya.
“Esiku ndika ka kwali nda thiga nando ogumwe a thikama mosikola yoshiputudhilo oshinene sha UNAM mOvenduka, kehe gumwe okwali ta inyenge mo no ndali ndi shi wete lela kutya oongalo dhandje dhoka nda li nde ya longekidhila siku ndoka okwali tadhi nyuwitha omakutsi,” Christ Morgan ta ti ngaaka. Poshiindingili mpoka Christ Morgan okwa tseyitha kutya opwa li pwa holoka aahikingalo mboka aanene naashona yomoshilongo.
Okwali a kumagidha aahikingalo mboka ya hala okunukila mokapale ihe oye na uumbanda, ta ti naya mangulike ngaashi omuhikingalo gwaNamibia Exit a imbile mongalo ye yimwe.
Oshidhigu shili ashike oshiwanawa. Kape na oshinima oshiwinawa hashi tamekwa nuupu, naya kondje yo naya itule mo noku pula omakwatho mpoka taya nyengwa Chris Morgan ta ti.