Victoria Kaapanda
ONGWEDIVA-Omwiimbi gwoongalo dho kwaito, traditional, gospel kwaito afro-pop , Johannes Shapopi a tseyika nawa Dasterlove-Duro okwa pititha oalbum omwedhi gwa yi ndjoka tayi nyuwitha omakutsi ga gomupulakeni kehe.
Daster love-Duro ngoka te shi enditha nawa moalbuma ye ontintatu “Likilenge Oshili”, ndjoka tayi dhana onkandangala moNamibia alihe unene monooli ayihe, uule wiiwike mbyoka ya piti, okwa tamekele oku imba oongalo momumvo 2010 sho a li a pititha oalbuma ye yotango tayi ithanwa Living own life omanga inapititha ontiyali tayi ithanwa Volunteer until when.
Moonkundathana naKundana oshiwike sha zi ko omuhikingalo nguka okwa ti, ye oha iyithana onge omuhikingalo gwoshili lela oshoka oha imbi oongalo dhomaludhi ga yooloka no dha towala nawa. Okwa li a londodha kutya nuumvo otapu ka tya pwaka, oshoka aaholi yoongalo dhe okwe ya longekidhila oongalo oombwanawa kaa ku na we.
“Elalakano lyandje lyo kuluka oalbuma yandje “Likilenge oshili” oku kumagidha kehe gumwe kutya ngele owalongelwa uuwanawa komuntu omukweni kutha ompito yoku ulika kutya owa pandula shili kwaa shoka walongelwa, ano olupandu oshinima oshiwanawa”, Duro ati ngaaka.
Okwa tseyitha kutya oalbuma oyi na ehwata lyoongalo 17 ndhoka dhi li mumwe ashike odha yooloka, na dhimwe dho muyo opo tedhi ningile uuvidio.
Moongalo adhihe dhi li moalbuma okwali a kwathelwa kaahikingalo ya yooloka ngaashi Tee Dee, VDK, Colonel T, Hash tiger gang, Obstruction boys, Smart vambo, Kwange son, Uncle V, Chester oshowo Mineral.
“Onda pandula kehe gumwe a kala noku pandje omukunmo okutsikila nokwiimba oongalo dhandje, kaa ndi hulile ondjilakati, oshowo kehe ngoka ali a kwatha ndje mokwiimba. Pamba ne ya pe omayambeko gongushu”. Duro apandula.
Tati omapandulo omanene otega gandja ku Andreas Nakambale ngoka a kala noku mukwatha oku za petameko sigo opehulilo lyo oalbuma ye ndjika ompe.
Agwedhapo tati aaholi yongalo dhe okwe yalongekidhila oku ya ulikila oalbuma ye ayihe nawa muDecember, ndjoka te keyi nyanyununa nawa pehala lyomanino Nevandalas bar mEndola.
Tati esiku ndoka otali ka dhidhilikwa momambo ko yendji oshoka aahikingalo ya tseyika nawa ngashi Exit, Noko sound, kangwe son no yendji yendji ota ya ka kala ya thika.
Oalbuma ndjoka otayi adhika mOvenduka, pomahala ngaashi Bus Stop, Antonio art omanga koshakati taka adhika po Kappa printing shop. Tati kiitopolwa iikwawo opo eli metifa lokulongekidha opo oalbuma ompe yi kale ya thika muNamibia alihe.
Ngoka a hala oku mona Duro momikalo dha yoloka, shinasha noongalo na dhenge konomola 081 6858 380 nenge 085 3858 380.