LUDERITZ–Ekopi loHarders olo la hovelelwe okudanwa oshikando shotete mondjokonona modula 2017, noneudo oko li li.
Eshi osha shiivifwa komuunganeki wekopi eli Tim Ekandjo, eshi ninga mEtitano la dja ko moLuderitz Nest Hotel. 
Ekandjo okwa shiivifa kutya ekopi loHarders odula yoneudo otali danwa oshikando oshititatu, tali ka danwa okuhovela mo30- 31 Maalisa 2019 pokapale komaudano moLuderitz.

Okwa didilikwa oudano wekopi loHarders tau ende tau kulu moule weedula mbali daka pita.
 Odula yoneudo eespana dokatanga kokeemhadi di li hetatu, okwa teelelwa tadi ka kufa ombinga mokukondjela ekopi N$100 000. Eespana di li heyali domoLuderitz ,nospana imwe oyomoAus. Espana edi tadi ka kufa ombinga odo da dja moLuderitz odo Atlanta Bucs FC, Youngsters FC, Rush Ups FC, Diamond City FC, Man United FC, Novanam FC, Atlantic City FC, nospana oyo yopoushiinda koAus  yedina Aus United FC.

Ospana oyo tai ke ya ponhomola yotete otai ka mona ekopi, neeN$100 000, onhivali otai ka ya nokapandi N$50,000 nospana oyo tai ke uya ponhomola onhinhatu otai ka pandulwa N$20,000. 
Ou ta ka kala a tula mo eekoola dihapu ota ka pupulwa kombuda nokapandi N$10,000.
Elandulafano ola ningwa ngaashi tashi landula:
Atlanta Bucs FC vs Diamond City FC
Novanam FC vs Man United FC
Youngsters FC vs Atlantic Stars FC
Rush Ups FC vs Aus United FC 
Pefimbo olo loudano woHarders Cup, ovashikingalo tava shikula, otava ka kala moLuderitz nokushambula aveshe ovo tave ke uya koudano outitatu woHarders Cup 2019, ovashikingalo ovo; Top Cherie, Lioness, Mr Green, KP Illest, Tate Buti, Oteya, Gazza, Cassper Nyovest novashiki ngalo vomodoolopa navo ottava ka waimina ovashiki ngalo vakwao.

Odula yoneudo oudano owafanekelwa poshimaliwa N$ omiliona 1. Odula 2019 Harders Cup, oya  mona oshimaliwa okudja komahangano taa landula; Standard Bank, Seaflower, Telecom Namibia, Tafel Lager, Debmarine, CSS Tactical Security, Profile Investments, John Endjala Investments, Namibia Sports Commission, Erongo Marine Enterprises, Coca Cola, Namcor, Naftal Trading, Metropolitan/Swabou, Namport and Luderitz Waterfront Development Company neespana di li hetatu  oda udaneka tadi ka kufa ombinga mekopi eli.
Elinyolifo okukufa ombinga, oshali shamuhongi.